مقدرتش….
وبدات اخد موقف عدائي وانطباع سيئ
عن الرجالة كلهم
وكنت بتخيلهم ديما…
بانهم وحوش ومليانين قسوة ووح0شية
اما بالنسبة لشيماء
فا اتغيرت تماما..
من يوم ال0حادثة اياها
ومبقتش تتكلم مع حد…
ولا تضحك… ولا تحكيلي حواديت زي الاول
ومكنتش بتعمل حاجة غير
انها تفضل ساكتة طول النهار وباليل
تفضل تكلم نفسها في الضلمة..
والي يكلمها مننا تصرخ في وجهة
وللاسف.ابويا متفهمش حالتها النفسية
وكان بيعاملها بقسوة
وكل شوية يضربها
لغاية ما شيماء نفسيتها تعبت اكتر
وياريت علي اد كده بس
ده جسمها كمان وشكلها بدء يتغير
وكل يوم كانت بتبقي زي الي كبر سنة من عمره
وفي مسافة شهر واحد
ظهرها انحني
وبقي شكلها زي اي امراة في منتصف العمر
عندها خمسين او ستين سنة واكتر
والموضوع ده خلي امي تقلق وكنا هنتجنن من القلق عليها
فا قلت في نفسي
يمكن الي حصل ده بسبب الحالة النفسية الي حصلتلها في اليوم اياه؟
ايوه اكيد الي هي فيه ده
من حالتها النفسية الزفت
وفكرت اقول لهند علي الي حصل لشيماء
عشان تيجي نضحكها ونلاعبها
فا تنسي وترجع لطبيعتها
لكن…
هي فين هند؟
دي هند كمان بعدت عننا.بسبب اننا مسالناش عنها
بعدما سيبناها وهي متشرحة
وكمان مبقناش نتقابل ونلعب زي الاول
هاقبلها باي وش بس؟
وقلت لنفسي
مش مهم هتخن جلدي
واروح اصالحها
وخلاص
منا لازم اجيبها معايا لشيماء
عشان اختي نفسيتها تبقي كويسة
وفعلا…
روحت علي بيت هند
ولما خبطت امها فتحتلي
ولاحظت ان ام هند حزينة
فسالتها
وقلت.. هند موجودة؟
فا بصتلي بحزن
وقالتلي…تعالي يا داليا ادخلي
وفعلا دخلت علي الصالة
وكنت لسة هقعد زي العادة
لكن..
لقيت ام هند
بتقولي…لا
تعالي ادخلي لهند جوه اصلها مش بتخرج من اوضتها
فا دخلتها
واول ما شوفتها اتفاجئت بمنظرها هي كمان
وسبب صدمني بمنظر هند
لاني لقيتها حصل معاها الي حصل مع شيماء
وهند كمان بقت عاملة زي الست الكبيرة برضوا
والي يشوفها يقول…عندها ستين سنة واكتر
و استحالة يكون سنها ١٢ ولا ١١ سنة
وفي اللحظة دي
وقفت متلخبطة ومش فاهمة ايه الي حصلهم الاتنين
وبدل ما كنت هحكي لهند عن مصـiبة شيماء
سيبتها ومشيت
وروحت حكيت لشيماء عن مص0يبة هند
عشان تعرف… ان مش هي لوحدها
الي شكلها اتغير
وبعد ما حكيت لشيماء
عن الي حصل لهند
فضلت شيماء تعيط
فا حاولت اهون عليها
وطلبت منها نخرج نتمشي شوية
لكن
شيماء قعدت تعيط
وتقولي…
انا مش هقدر اطلع الشارع تاني
انا شكلي اتغير والناس
هيضحكوا عليا
بصراحة اختي صعبت عليا
فا روحت لامي وقولتلها..
ما تيجي نكشف علي شيماء
يا امي
فا ردت امي بقهرة
وقالتلي…
الي اختك فيه مش عايز دكتور
ده عايز شيخ
فسالتها
وقلت..لية شيخ؟
ردت امي
وقالت
اختك ملبوسة مفيش كلام
فا فضلت ابص لامي شوية
وكنت عايزة اقولها
علي الشباب الي اتحرشوا بينا
عشان تعرف ان اختي خايفة من ساعتها
و ممكن تكون محتاجة دكتور لكن…
خوفت ورجعت سكت تاني
وبعد يومين
لقيت امي راجعة البيت
و ساحبة معاها شيخ
من يتوع السحر…والاعمال وكده
وبمجرد ما الشيخ دخل من الباب
ولقيناه مسك رقبتة وكأنة اتخن0ق وخاجة خ0نقت رقبتة
وبالرغم من كده
اتحامل علي نفسة
ودخل لشيماء الاوضة
و فضل يتمتم
بكلام مش مفهوم
وشوية يعلي صوتة ببعض الكلامات الغريبة
وشوية يسكت…
وشوية يصرخ…
وشوية…يكلم شيماء
وفي اللحظة دي
فضلت شيماء تصوت لغاية ما وقعت…
وفقدت الوعي
ولما جيبنالها د كتور
عملها شوية اشعة وفخوصات
واكتشفنا بعدها انها اتصابت بالش0لل وعرفنا ان الشيخ الي جه نيل الدنيا اكتر مهي متنيلة
المهم….
فضلت شيماء كده سنين
وفضل الحال علي ما هو
ولغاية ما انا كبرت ودخلت الدبلوم
وشيماء راقدة زي ما هي وامي بتخدمها..
ومفيش علاج نافع
لغاية ما في يوم
وانا في المدرسة
واحدة صحبتي قالتلي ان في دكتور جه البلد
وبيعالج حالات الشلل الشبيهة بحالة اختي شيماء
فا قلتلها ياريت اختي تخف فعلا
بس دا زمان الدكتور ده بياخد فلوس كتير اوي
فا بصتلي زميلتي
وقالتلي..بعدما نخرج من المدرسة
نعدي علي العيادة بتاعتة ونشوف الكشف عنده بكام
وفعلا…
خرجنا من المدرسة
وروحنا علي العيادة
وفي العيادة فضلنا ندور علي الممرضة الي بتقطع الكشف لكن ملقتاش حد
فا ناديت وقولت
هو محدش هنا ولا اية
فا لقيت الدكتور خارج من اوضة الكشف
واول ما بصلي لقيتة بيبتسم
وبيقول…اهلا وسهلا
اي خدمة؟
قلت…حضرتك الدكتور
فا هز راسة
وقالي..ايوه انا
قلت..طيب كنت عايزة اعرف ثمن الكشف هنا بكام
فا ابتسم وقالي
الكشف هنا مجانا
بس قوليلي فين المريض؟فا اتشجعت
وقلت
بصراحة يا دكتور
اختي تعبانة اوي
ومش هينفع اشرحلك حالتها
لازم انت تشوفها بنفسك
فا قلع الدكتور البلطوا بتاعة
وقالي…
وانا جاي معاكي
اتفضلي وريني المريضة
قلت..بس انا مش معايا ثمن الكشف دلوقتي فا وقفني الدكتور
وقالي…ما قولنا الكشف مجانا
اتفضلي بقي ومتضيعيش وقت
وفعلا…
جه معايا الدكتور الطيب لبيتنا
ودخل يكشف علي شيماء
واول ما شافها
مسك ايديها وفضل يضغط عليها
وكشف علي كل جزء في جسمها وبعدما خلص كشف
وقف الدكتور في وسطنا
واعلن انه هيعالج شيماء مجانا
لانه بيعمل دراسات عليا
وحالتها هتساعدة في البحث بتاعه
فا فرحنا كلنا بكلام الدكتور
وبدء فعلا في العلاج فعلا
وفضل كل يوم
يجي البيت ويتابع حالتها
ولاخظت انه كل ما يدخل عندها
يقفل عليه هو وهي الباب لوحدهم تماما لمدة ساعة
وكان بيرفض دخول اي حد عليهم
وكنت مستغربة وهم0وت واعرف؟
بيعمل ايه الدكتور كل يوم لمدة ساعة لوحده جوه
مع شيماء؟
لكن…للاسف معرفتش حاجة وفضل الامر يتكرر لمدة اسبوع
وبعد اسبوع
لقينا الدكتور بيتصل بالموبيل
وبيقول انه حاي النهاردة
و بيطلب من بابا انه يكون
موجود لما يجي
عشان عايزة في امر هام
وفعلا…انتظر بابا لغاية ما الدكتور وصل
واول ما بابا شاف الدكتور
قالة….خير يا دكتور في حاجة؟
فا رد الدكتور وقال لبابا حاجة لا يمكن حد يتوقعها…..؟
تفتكروا الدكتور قال لبابا اية……؟
ليلة الد0خلة الذهبية
الجزء الثالث
للكاتبة…حنان حسن
بعدما الدكتور هاني حاول يعالج شيماء اختي
استمر في اختلاءة بيها كل يوم
لمدة ساعة كاملة
بدون ما يدخل حد معاهم
…وبعد ما عدي اسبوع
طلب يكلم بابا في موضوع مهم
وفعلا بابا قابلة في بيتنا وكنا كلنا واخدنا الفضول
وعايزين نعرف
ان كان في امل في شفاء شيماء ولا لا
فا قعدنا انا وماما مع بابا مع الدكتور هاني
وفي اللحظة دي
سال بابا الدكتور بقلق
وقالة…
خير يا دكتور
فا رد الدكتور هاني بخجل
وقال….خير ان شاء الله
فا رد بابا بسؤال
وقال…يعني انت شايف ان شيماء بنتي ممكن تخف وترجع زي الاول؟
فا ابتسم الدكتور هاني
ورد بكل ثقة
وقال..
طبعا هتخف وهترجع احسن من الاول كمان
بس عشان ده يحصل لازم تبقي تحت ملاحظتي ليل نهار
فا بصلة بابا بتعجب
وقالة…يعني ايه؟
مش فاهم؟
تقصد انك عايز
تاخدها المستشفي عندك؟
فا ضحك الدكتور هاني
وقالة…لا مستشفى ايه؟
انا لازم اتابع حالة شيماء في كل تفاصيل يومها حتي وهي نايمة
عشان كدة
لازم اخدها عندي البيت
فا رد بابا
وقالة…تاخدها عندك البيت ازاي؟
انت جاي تعالج البت ؟
ولا جاي تعمل اية بالظبط يا دكتور؟
فا رد الدكتور هاني بسرعة
وقالة…اصبر بس عليا يا عمي ومتفهمنيش غلط
بصراحة كده
انا حبيت شيماء من اول ما شوفتها
و جاي النهاردة مخصوص
عشان اطلب ايدها منك
فا استغرب بابا من طلبة
وبص ليا انا وماما
وفي الاخر رد
وقالة…