خلصت وطلعت وانا ماسكة بطني مش قادرة اصدق اللي شوفته …مسكت الموبايل ودخلت الغرفة بتاعتنا ولقيت انس في سابع نومة …كان نفسي احدف التليفون في وشه وانهي حياته واخلص بس هديت نفسي وطلعت وكملت تقليب في الماسنجر ..وعرفت حاجات كثيرة …عرفت أن احيانا كان بيجيبها البيت لما بروح عند ماما …وطبعا هي عشان جوزها بيسافر دايما الموضوع سهل …
اي واحدة مكاني كانت هتفقد اعصابها وتطلب انه يرمي اليمين عليها …وانا فعلا صعب ابقي علي ذمة واحد زي كدة ومخادع زي ده …بس برضه لازم اربيه علي اللي عمله وعلي اللي عمله في قلبي ده…ده احنا بقالنا ست شهور بس متجوزين وعن حب كمان ..
ده اهلي كانوا ساعدوه كتير عشان نتجوز …لا عمرهم طلبوا حاجة ولا انا وعشان بحبه وعشان كان داخل مشروع كبير واللي نجح ودلوقتي لما اتيسرت معاه بقا يعرف ست غيري …أنا لا يمكن اسامحه…صعب!!!
مسكت الموبايل واخدت سكرينات من عليه وتخلصت الاسكرينات لتليفوني ….وبعدين مسحت الاسكرينات اللي اخدتها من تليفونه وحطيت التليفون مكانه ….روحت نومت جمبه وانا بفكر في الخطة المناسبة ….
تاني يوم …كان يوم إجازة انس واليوم اللي بروح لماما فيه …
صحيت الصبح وابتسمت ليه وقولت:
-صباح الخير يا حبيبي ..
-صباح النور يا حبيبتي ..ايه مش رايحة لماما النهاردة …
ابتسمت وقولت :
-لا مش رايحة …قررت اقضي اليوم كله معاك يا روحي.
حسيت وشه بهت فابتسمت ليه وقولت :
-مالك يا حبيبي ليه زعلان …
بلع ريقه وهز رأسه وقال:
-مش زعلان يا حبيبتي ولا حاجة بالعكس أنا فرحان اووي …
قربت منه وقولت وانا بلعب في ملابس زوجيةه :
-ايه رايك نسمع فيلم …فيلم لطيف …
ابتسم ليا وقال:
-ماشي
بعد شوية كان قاعد قدام التليفزيون وبصلي وقال:
-ايه الفيلم اللي انتي جايباه ده يا ليل؟!
ابتسمت ليه وقولت :