الشخص الملثم الأول همس لصاحبه مش دا الواد الخرع إلى كان مجوز البنت اياها؟
التانى ايوه
الصوت الأول، خدك بعضك وامشي من هنا قبل ما نقتلك؟
أدهم حرك الخشبه وبكل عزمه ضرب واحد فيهم فى دماغه شقه جزء منها
وهجم على التانى وقعه على الأرض وراح يضربه فى كل مكان فى جسمه
القصه للكاتب اسماعيل موسى
سانتى فاقت الأول
لقيت أدهم عمال يضرب فى شخص مرمى على الأرض
فتحت عنيها بصعوبه، سيبه يا أدهم هتموته
أدهم سمع اسمه وقف ضرب قرب من سانتى
انتى تعرفينى؟
سانتى مش معنى انك انقذتنى تستهبل بالطريقه دى يا أدهم
أدهم مسك رقبة سانتى خنقها، انتى تعرفينى؟
سانتى قالت بصعوبه ايوه اعرفك
بيلا كانت استعادة وعيها
صرخت خلى بالك يا أدهم
قبل أدهم ما يلف خد ضربه على دماغه
حس بصداع شديد وقع على الأرض
مش قلتلك الولد دا خرع
الاتنين وقفو وادهم واقع على الأرض
هنغتصبهم قدامه خلى زكريا يموت بصدمته
أدهم وقف تانى، كان جواه بركان من الارتباك واللخبطه
بحركه سريعه مدروسه ضرب رجل واحد فيهم وسمع طقطقة عضمه
وقبل التانى ما يفكر
أدهم ضربه فى معدته وشه دماغه
الرجل إلى وقع جر نفسه لبره، التانى كان بيعافر مع ادهم لحد ما قدر يهرب
أدهم وقف لحد ما مشيو بعدها حس ان عنيه مزغلله
راسه هتنفجر، قعد يترنح وهو ماشي، سانتى لا فكنى الأول اوع تفقد وعيك
أدهم وقع على سانتى، تلقته بايديها قبل ما يحصل الأرض
أدهم فوق، العربيه بتاعت الرجلين بعد ما تحركت وفقت تانى
أدهم خلاص بيفقد وعيه الرجلين نزلو من العربيه
فجأه الرجلين رجعو العربيه تانى ومشيو
من الباب المكسور ظهرت شاهنده
لقيت أدهم فاقد الوعى فى حضن سانتى
شاهنده انتى مين؟ وعملتى ايه فى أدهم؟
سانتى انتى الى مين وتعرفى أدهم من فين؟
كان فيه ناس مع شاهنده أصحاب الأرض، فكو سانتى وبيلا إلى كانت بتحاول تفوق أدهم
سانتى بعد ما قيودها اتفكت انتى مين بقا؟
شاهنده انا صديقة أدهم انتى الى مين؟
سانتى انا خطيبة أدهم، قصدى كنت خطيبته
شاهنده، اه كنتى خطيبته، ماشي
طلبت من الناس إلى معاها يساعدوها فى حمل أدهم ويحطوه فى عربيتها
وسابت سانتى وبيلا واقفين مع الناس
سانتى بغضب شوفتى يا بيلا أدهم انكر ان يعرفنى ازاى؟
مش بقلك شخص ندل وحقير
بيلا، سانتى متنسيش ان أدهم انقذنا
سانتى بغضب انتى صدقنى الكلام ده، دا اكيد ملعوب عامله الاستاذ أدهم
اسألى نفسك كده ازاي وصل هنا وعرف اننا محبوسين جوه البيت؟
بيلا، هو أدهم هيستفيد ايه عشان يعمل كده؟
سانتى ______معرفش ومتسألنيش، اكيد انتى شوفتى ازاى عمل نفسه ميعرفنيش وكان عايز يموتنى
بيلا ومكنش عارفنى انا كمان
أدهم، انا اسف لكن لازم ارجع بيتى، ميصحش اقعد هنا
أدهم سابهم ومشي
أدهم كلم باتى وحكلها إلى حصل، باتى أصرت انها تزوره بعد ما تخلص الشغل، لأنها قريبه منه ومتابعه حاله، باتى وضحت لادهم ان إلى عنده ده مش صداع
وان ذهنه بيكافح عشان يستعيد الذاكره خاصه بعد الخبطه إلى خدها فوق دماغه
أدهم ____ لو اعرف كده كنت سبتهم طحنونى ضرب
باتى قالت وهى بتبص لادهم بصه غريبه ومستفزه
امال ايه الى انا شايفاه ده؟ هيضربوك اكتر من كده؟
أدهم بنبره فيها عتاب بلا استفزاز يا باتى
أدهم _____هموت واعرف البنتين دول عرفو أسمى ازاي؟
باتى، امر محير فعلا، هى شاهنده قالت ايه؟
أدهم، بص لبعيد، شاهنده متعرفش حاجه، البنات كمان سبونى ومشيو
وكمل كلامه، لو كنت شخص كويس ويعرفونى فعلا عمرهم ما كانو مشيو وسابونى فاقد للوعى
باتى ______ يا أدهم احنا فى زمن غريب، وكل إلى قلبه طيب بيتخوزق
يلا انبطح يا استاذ خلينى اشوف جرحك
أدهم تمدد على بطنه، باتى فكت الشاش الطبى والاصق تشوف الجرح
شاهنده دخلت من باب البيت، باتى انتى هنا؟
باتى استغربت، مفيش علاقه تجمعها بشاهنده ولا حتى اتكلمت معاها قبل كده
وقفت تسلم عليها
شاهنده قعدت وحطت رجل على رجل وبصت لباتى
انا عارفه ان علاقتك قويه بادهم ياريت تقنعيه يقبل الشغل إلى انا عرضته عليه
باتى ____شغل ايه يا ادهم؟
أدهم اسكتى يا باتى
شاهنده الاستاذ طلب مبلغ ١٠٠٠٠ جنيه وانا وافقت دلوقتى رافض الشغل
باتى معقول يا أدهم؟
هو شغل ايه يا مدام شاهنده؟
شاهنده بغرور اي حاجه يختارها
باتى حست ان الموضوع معقرب رغم كده طلبت من أدهم انه يقبل الشغل ولو حتى لوقت مؤقت
بعد ما شاهنده مشيت، أدهم يا باتى شاهنده عايزه تزلنى، تكسرنى بفلوسها
لكن مش هيحصل
انا شايفه المبلغ كويس جدا يا أدهم الصراحه مهما كانت نوعية الشغل
بعد كده ممكن تشترط عليها متمسش كرامتك
ادهم تصدقى فكره يا باتى
مدحت فى الشركه بيغلى بعد ما عرف إلى حصل، بيفكر ان أدهم ازاى وصل للبنتين وهل عرف انه هو الى خاطفهم؟
وبيفكر هيأدبه ازاي ويهدده
مر يوم ومحدش فتح الموضوع ولا اي بلاغ للشرطه مدحت فرح لكن فى نفس الوقت عايز يعرف السبب
بالصدفه سانتى كانت فى المصنع عند باباها وقابلت مدحت
مدحت سلم عليها وحاول يختار كلام يخليها تحكى إلى حصل معاها
سانتى مكنتش بتحب مدحت وعارفه انه شخص لئيم، لكن من بعد إلى حصلها تفكيرها اتغير خالص
من أجل رجل قد تكرهه المرأه العالم وتموت روحها حتى يحييها رجل اخر ويزرع داخلها النبض
سانتى بطريقه رسميه انا ليه طلب عندك يا استاذ مدحت
مدحت اتفضلى
عايزه اراجع كشوف وحسابات المصنع من غير ما والدى يعرف
انا شاكه ان فيه محاسبين فى المصنع شغالين لحساب شخص تانى وغرضهم المصنع يفلس
مدحت طلباتك أوامر يا انسه سانتى اتا كمان مش عارف ايه الى بيحصل
مدحت بخجل ________ممكن اسأل حضرتك سؤال شخصى؟
سانتى اتفضل!!
مدحت ايدك فيها جرح علامه حديثه هو انتى اتعورتى او عملتى حادثه؟
سانتى اتوترت، لا اتعورت فى تدريب الجيم بس
مدحت اطمن، ضحك من جواه، عمل اتصال صغير وطلب من ست شغاله فى المصنع انها توفر لسانتى كل إلى هى عايزاه من دفاتر وأوراق وكل حاجه
سانتى دخلت قسم الحسابات، كان فيه مكتب فاضى قعدت عليه
بتسأل هو فيه موظف غايب؟