روايه فكيت الطرحة ومسحت دموعي كامله

غنى : …..
احمد: غنى اسمعي لو انا ما بدي ياكي كان ما اخدتك
غنى : شو عم تحكي انت انا بعرف انك مغصوب على هالجواز وانك كنت بدك بنت خالك منى
احمد: كنت بعرف اني لح اخدك انتي وما كنت حب منى
انا حبيت وانا بعمر ال٦ سنين عروس حلوه بتشبه الشمس اجت ع دنيا نورت بيت عمي يلي كان بيستنى الخلفه ١٠ سنين جيتي انتي بعد ١٠ سنين نورتي كل المنطقة كان الكل فرحان فيكي وحتى انا مع اني كنت صغير بس بتذكر كيف وانتي صغيره وقت يلي حملتك ومسكت ايديك ضليتك ماسكتيها وما تركتيها وكبرتي يوم بيوم قدام عيني كنت اعشق ضحكتك وقت ما كان ايمن اخي يضربك كنت اضربو وتزعل امي مني وتقلي هيدا اخوك كنت دافع عنك كنت دافع عنك طول الوقت من ونحنا صغار لليوم
غنى انتي هون بقلبي من وانتي صغيره …

غنى : احمد انت بتمزح معي صح بتمثل عليي والاتفاق يلي اتفقنا عليه
احمد : انا حكتلك على الاتفاق حتى طمنك اني ما لح المسك حتى ارجع شوف الضحكه من جديد ع وجهك حتى شوف عيونك من غير دموع الاتفاق لسه متل ماهو بس لو خليتك تحبيني متل ما بحبك رح نلغي الاتفاق ونعيش متل اي زوجين مبسوطين شو رأيك

غنى : ليش ما قلتلي هيدا الكلام من قبل
احمد: انا متى شفتك لحتى احكيلك ؟؟؟يوم كتب لكتاب كنت مبووزه غير شكل ما عرفت احكيكي وما شفتك بعدها الا يوم العرس وتركتيني ونمتي …
غنى : يعني انا كيف لح عيش معك من بعد اليوم انا كنت بفكرك انك متلي ما بدك اياني وانو لح نطلق بس هلأ انت بدك اياني ….
احمد : فكري فيها منيح اول شي ابعدي فكره انو غصبونا على الجازه اعتبرينا نحنا اخترنا بعض

غنى : بس انا ما اخترتك
احمد : واعتبرينا انو نحن هلأ مخطوبين …
غني : يعني انت ب..
احمد: اي بحبك ولح استناكي لحتى تحبيني
كنت مصدومه من الكلام معقول احمد بحبني معقول ….
رجعنا على البيت اخدت دوش ولبست بيجامه زهر وفلتت شعراتي طلعت من باب الحمام لقيت احمد بوجهي
احمد: حمام الهنا
غنى : الله يهنيك
احمد : بدك تنامي
غنى : اي وانت
احمد : اي بستناكي
غنى : تصبح على خير
احمد :وانتي من اهلو
طلع احمد برا الغرفه ودخلت تحت الحاف انا دقيقتين وكان احمد جنبي ع تخت

احمد : بدي نام جنبك
غنى : شو والاتفاق
احمد : تعبت من نومة الكنبه وضهري وجعني كل واحد بنام على طرف التخت
غنى : بالله شو عم تمزح استاذ احمد
احمد : والله بحكي جد
نمنا انا وياه بنفس الغرفه وبنفس التخت وفقت الصبح كنت بحضنو ما بعرف كيف …..

صرنا ننام كل ليله بنفس الغرفه ونضحك ونحكي سوا قبل ما انام ويحطني احمد بحضنو وانام كنت مبسوطه كتير وقلبي عم يخفق بقوه وكل ليله كان احمد يستناني البس قميص العرايس وانا لحد هاللحظه ما لبستو بس عنجد يوم عن يوم كنت حبو بشخصيتو بحنانو بعطفو عليه كنت حس انو اخويا الي ربنا ما اعطاني اياه كان حبنا طاهر شريف

بس لسه خايفه سلمو حالي خايفه يتغير بعد ما ياخد كل اشي مني خايفه تصير حياتنا ممله متل بعض المتجوزين رجعت ع جامعه وبطلت شوفها لمرتعمي ااالاا بالمناسبات بس طبعا ما كنت خلصانه من لسانها وغلطها عليي وعلى امي …

غمرني احمد كتير عند الباب وباسني على خدي وطلع على شغلو ….ضبيت البيت ..وكنت دايخه كتير ومعدتي بتجعني ما قدرت روح على الجامعه نزلت عند دار عمي وشفتني مرتعمي دايخه وبستفرغ …
ام احمد : شو بدك تجبيلي حفيد منك انا ما بدي عملتيها وحبلتي لحتى تتمكني …..