رواية السم في العسل

ليلي

( هو في حاجه)

ملك

( مش عارفه بس سهر كلمتنى وسألتنى عن فريحه وانا بتصل بيها مقفول، حاسه انى هتجنن)

ليلي

( سهر مين)

ملك

( مامت فريحه)

ليلي

( ممم، طيب هي فين فريحه)

ملك بانفعال

( ما ده اللي هيجنني، بتسأل عليها ازاى وهي

ع حسب اتفاقها مع وعد لما كلمتنى طلبت مني اسلمها ل منار)

ليلي

( هي مين وعد ومين منار واي اتفاقكم وبحيره، انا مش فاهمه حاجه)

ملك

( لا ده حوار كبير ومش ضروري تفهمى دلوقتي خالص، انا لازم اتصرف واعرف اي اللي بيحصل)

” بتتصل ب سهر مغلق”

ملك ل ليلي بتوتر

( طيب انتى عاوزه حاجه دلوقتى، علشان انا مضطره اسيبك وامشى)

ليلي بصدمه

( اي، هتمشي وتسبيني هنا لوحدي)

ملك

( ي حبيبتى خلاص انتي مهمتك معايا كده انتهت

انقذنا فريحه من ايد احلام واتقبض عليها وطبعا بعد ربنا الفضل ليكى واظن مفيش حاجه تانى ما بينا)

ليلي ” عينيها دمعت”

( طيب)

ملك ” فتحت شنطتها وطلعت منها فلوس”

(خودى دول مشى بيهم نفسك لغايه متلاقى شغل)

ليلي

( المشكله مش فلوس خالص، انا مش عاوزه حاجه) ” بتعيط”

ملك

( اومال المشكله فين وبتعيطى ليه)

ليلي

( انا مليش حد ومعنديش مكان حتى اعيش فيه، وكان عندي امل ان حضرتك يعنى تشغليني عندك)

ملك

( بس انا مش محتاجه حد)

ليلي بتوسل وخوف ” بتوطي ع ايدها وتبوسها”

( ابوس ايدك شغليني عندك، انا شاطره والله بعرف اكنس وامسح واطبخ كويس جدا)

ملك

( بس انا مش محتاجة حد ، انا عايشه لوحدى وحياتى مش مستهله انى اجيب شغاله)

ليلي بتوسل

( ارجوكي متسبنيش للشارع)

ملك بحيره وصعبانيه

( طيب تعالي معايا دلوقتي بس لغايه ما اشوفلك حل) ” وقفت اوبر وطلبت منه يطلع ع عنوان تحيه”

في مكان ما ( مخزن في مكان مهجور)

معتزه بخوف وفزع ” شايفه المجهول

وهو بيحر”ق سن السكينه ”

( هو انت بتعمل اي)

المجهول بتوعد” رفع السكينه من ع النا”ر”

( مش لازم اققولك، انتى هتشوفي بنفسك)

” بيقرب منها”

معتزه بخوف

( انت هتعمل فيا اي)” بتسحف بجسمها لورا”

المجهول

( قتلتي الدمنهوري ليه)

معتزه بصراخ

( والله ما قتلته، والله ما قتلته)

” قرب منها وبيرفع السكينه عليها)

من ورا الباب

روقيه واقفه وجمبها عمار” عاوز يدخل وهي بتشده من ايده ”

( انت رايح فين)

عمار بغضب

( هروح انقذ المسكينه دي)

روقيه بانفعال

( بس كده الخطه هتبوظ)

عمار بغضب

( بقى بالذمة دي خطه، منك لله ي شيخه هتودينا في ستين داهيه، اللي انتى عملتيه ده اسمه جريمه خـtـف وانا لو اعرف انك هتعملي كده مكنتش وافقت من الاول)” زقها وفتح الباب ودخل”

روقيه ” بتجري وراه”

( رايح فين تعالي)

المجهول ” شاف عمار، السكينه وقعت من ايده”

( انت مين)

عمار ” قرب منه وضربه بالبوكس في عينه”

روقيه ” بتشده عليها”

وبزعيق ( انت بتعمل اي ي مجنون سيبه،بقولك سيبه)

عمار ” بصلها وضربها بالقلم وقعت ع الارض، المجهول طلع يجري لغايه ما خرج من المخزن”

معتزه ” ايدها متربطه وبتحاول تفكها”

عمار قرب منها بسرعه وفك الحبل

” طلع من جيبه الخاتم ”

معتزه بصدمه

( اي ده)

عمار

( مش عارفه ده اي ي مرات اخويا)

معتزه بارتباك

( ددده ددده ده خاتم كريم)

عمار بغضب

( اه هو خاتم كريم، بس انتى اللى بتلبسيه، تقدري تقوليلي هو كان بيعمل اي فالمستشفى في غرفه بابا يوم ما اتشالت من عليه الاجهزه ومات، قصدي اتقتل)