مشكلة زوجتي

فضلت كدة لحد ما زهقت وبقيت أرفض اهتمامها واقولها ابعدي عني حسي على دمك وسبيني في حالي

لحد ما جت واحدة معايا في الشغل وكانت جديدة واحنا قاعدين اخدت المروحة واجهتها على نفسها قولت في نفسي ست عايزة تريح روحها على حساب الناس مش قاتلة نفسها عشان حد واعجبت بيها جدا وقربت منها مع انها كانت متجوزة وكانت تقيلة جدا وكل ما تتقل عليا اتجنن اكتر واحبها

اكتر واتخنق من زوجتي اكتر كانت ساعات بتتطاول عليا واحس ان منجذب لها برضه تعلي صوتها عليا وانا اجري وراها اكتر زوجتي قعدت فتره تشتكي من شوية مشاكل صحية وكانت سيباني في حالي فعلا وتهتم بالاولاد وبس بتعمل اللي اطلبه فقط لو حاجة مطلبتهاش متعملهاش

كنت مستغرب بس بقول احسن كدة انا بحريتي وفجأة وبدون مقدمات زوجتي ماتت وانا حرفيا مت وراها اختها كانت كارهاني جدا مع انها عارفة اختها كانت بتحبني ازاي