مغنية الشياطين

أجسام ضبابية, نفس الأجسام كانت بتتحرك ناحية العربية وكأنها بتجري ورانا, بدأت أستعيذ بالله من الشيطان الرجيم كتير لحد ما وصلنا للشقة بتاعتي, خدت لوسي وطلعنا وهديت كتير, كانت الساعة 4 قبل الفجر, وبدون تفكير نمت زي القتيلة..

يمكن نمت لحد تاني يوم العصر, صحيت بعدها عملت أكل واتغديت وخدت دش ووقفت أشرب قهوتي في البلكونة, شوية وبعتتلي بنت من البنات شريط الفرح على الواتس, .

دخلت على بعد العشا وشغلت الشريط وبدأت أتفرج على نفسي والفرقة والفرح, وبدأ صوت الأغاني يطلع من الكمبيوتر, وبدأت أنسجم واحدة واحدة مع شكلي وصوتي اللي كنت بحبه أوي..

بس مسافة ما جريت بالشريط شويتين وجت اللحظة اللي بدأت تظهر لوسي وهي بتبص بخوف ناحية المقابر بدأت أشوف ناس غريبة وسط المعازيم, .