مشكلة عضو

– للاسف عمر ما كان السعي المباشر ورا راجل هو اللي حيجيبه .. ولا عمر الكلام المتذوق هو اللي حيوقعه .. لو هو انسان محترم حيروح مباشرة لبيتك من غير كلام كثير وحوارات واختبارات ويطلب الزواج منك مش حيستني يجري وراكي .. محترم حيتقدم لبنت ناس محترمة

النت من ساعة ما طلع البلاوي انتشرت اكثر وضحك الرجالة ع البنات بقي بالهبل وبردو ف بنات بتنصب ع شباب ..

اه في ناس اتجوزت من النت وفي ناس نجحت لكن نسب النجاح زيها زي زواج الصالونات أو المعارف يعني من الاخر هو قدر ونصيب

فبما أنه قدر ونصيب .. يبقي كل واحدة تقعد هانم كده لحد ما يجي لحد عندها والله اتجوزوا وكان محترم ده رزق ربنا ساقه لها بسعيها بالدعاء والذكر طلع انسان سئ هي مخسرتش نفسها وقللت من نفسها باي شكل وهو نفسه ميقدرش يقولها انتي اللي جريتي ورايا وما صدقتي وكلام جراح كثير من رجالة قذرة

– في الاخر احذروا من اللي شكله وكلامه متدين ألف مرة اكتر من الشخص العادي احذروا من الإنسان المثالي بزيادة وكلامه مترتب لان الأغلب بيكونوا كذابين ولهم اغراض كل واحد ونيته ف الارتباط

الاستخارة .. السعي بالدعاء والاستغفار والقيام سورة البقرة .. اوعي تضعفي لاي سبب قدام أي رسالة

التخين اديه ع دماغه واقفلي ف وشه .. زودها هزقيه .

وربنا يستر بنات المسلمين ويحفظهم ويحفظ بنتي