رواية أحببته رغما عني كامله

تصحيهم بهدوء: ياله يا حبايب ماما علشان نفطر مليكه بنوم وهي بتشد علي حضن رقيه: بس يا ماما سبينا ننام كمان شويه دولت بضحك: ياله يا بت منك ليها قومو بطلو كسل رقيه ببتسامه: صباح الخير يا ماما دولت: صباح الفل يا قلب ماما ياله قومو البسو وانزلو علشان الفطار جاهز رقيه: حاضر دولت:

وصحي البت دي انتي رقيه بضحك: حاضر هصحيها انا دولت طلعت وسبتهم رقيه بنبره كلها حنان: ياله يا نور عيني علشان منتاخرش عليهم مليكه فتحت عين واحده: هننزل نعمل شوبينج رقيه بضحك: اه هننزل امال لو مقومتيش علشان نفطر معاهم مش هنروح في اي مكان مليكه وهي بتقوم بسرعه:

لااااا خلاص قومت اهو رقيه بضحك عليها: ياله علي اوضتك خدي شاور والبسي هدومك مليكه بفرحه: حااضر رقيه قامت تاخد شاور وطلعت لبست فستان للركبه لونو سماوي يشبه عنيها بظبط ورفعت شعرها وحطيت ميكب خفيف جداا ونزلت ادهم بغمزه:

اوباا علي الجمال ده لا انا مقدرش علي كده رقيه بكسوف: بس يا ادهم بقاا بتكسفني والله ادهم بضحك: تعالي هنا يا حبيبتي اقعدي جنبي باست هشام ابوها ومامتها وقعدت جنب ادهم واتفجأت بي عمامها وهما بيقعدو علي الفطار رقيه وهي بتميل علي ادهم: هما عايشين هنا معانا ادهم: اه عايشين هنا بابا دايما بيبقا عاوز اخواتو جنبو ومرضاش يبعدهم عنو رقيه:

ربنا يخليهم لبعض يارب وفرحت من جواها لان كدا يونس هيبقا عايش معاهم حازم بضحك: انتو هتفطرو من غيري ولا اي ادهم: منقدرش تعال ياله حازم راح قعد جنب ابوه الي كان قر”فان منو ومن تصرفاتو محمد بعصبيه: خلص يا حازم بيه علشان عندك سفريه شغل مهمه اوي حازم ببرود واتكلم وهو بياكل: فين بقا ان شاء الله محمد:

لندن يا حازم بيه اي مش عجبك تحب تروح في مكان تاني ما انتي ممشي الدنيا كلها علي مزاجك هشام بتهديت محمد: خلاص يا محمد في اي مالك اهدا عليه محمد بزعيق: اهدا عليه اكتر من كداا ده من يوم ما امو ما”تت وهو مغلبني معاه بلمنظر ده حازم قام من علي الفطار بعصبيه وسبهم وركب عربيتو ومشا هشام بنرفزه:

عجبك كده يعني قومتو من علي الفطار كده محمد: ريح دماغك يا هشام انا رايح الشركه عاوز حاجه هشام بنفاذ صبر: سلامتك يا محمد وسبهم ومشا ادهم: فعلا يا بابا عمو عندو حق تصرفات حازم بقت مست”فزه جداا وغلطاتو كترت اوي هشام: هنعمل اي بس يا ابني ربنا يهديه ادهم: يارب انا رايح الشركه محتاج اي حاجه هشام: لا يا حبيبي ربنا معاك يارب ادهم با”س دماغ رقيه ومليكه ومشا هشام:

اي يا حبايبي ساكتين ليه من ساعت مقعدتو مليكه: هنقول اي يعني يا بابا رقيه بهدوء: هو عمو محمد كده علطول هو وحازم هشام: اه والله يا بنتي ربنا يهديهم حسين راح قعد علي الفطار هشام: انت كنت فين ده احنا خلصنا حسين: كنت بعمل تلفون لي يونس اشوفو عمل ايه هشام: ها عمل اي اكيد كعادتو كسبها حسين بضحك: بظبط كده هشام بفرحه: الحمدلله هو هيرجع امته حسين: بكره بليل هشام: ماشي انا هقوم اروح الشركه انا بقا حسين: خدني معاك هشام ياله ومشوا دولت