انا هند من خمس سنين إتجوzت عزت و سكنا في شقة في نفس البيت مع
حماتي و سلفي .
حماتي هي اللي ربت زوgي و سلفي بعد وفاة والدهم و هما صغيرين
لما حمايا توفي كانت حماتي لسه في عز شبابها بس هي رفضت الجواز
و وهبت حياتها لأولادها ربتهم و كبرتهم علشان كده جوzي و سلفي
مش بيستحملوا الهوا علي حماتي و روحهم فيها .
سلفي متجوz قبلنا بسنتين و عنده ولدين .
بعد جوازنا ربنا رزقنا بأحمد و بعد أحمد زينب .
و بالرغم من إني كنت ساكنة مع أهل جوzي في نفس البيت
إلا ان علاقتي بيهم كانت كويسة لأننا ما كناش بنختلط ببعض كتير حتي
حماتي في ست بتيجي تعمل لها شغل البيت و لو إحتاجت حاجة ما كانتش بتطلب مني أنا أو من سلفتي
بصراحة كانت بتطلب من أولادها يعني كل واحد في حاله .
بعد 3 سنين من جوازنا نقلنا في شقة تانية أقرب من شغل جوzي .
بعد ما نقلنا جوzي كان علي طول بيتصل بوالدته يتطمن عليها
و كان بياخدني أنا و الولاد و نروحلها مrة كل أسبوع في يوم أجازته
و لو في يوم كنت تعبانة أو مش فاضية إني أروح معاه كنت بقوله يروح هو
بس ما كانش بيرضي و يقولي : يعني حتي يوم الأجازة هقضيه بعيد عنكم .
كنت أقوله : إحنا راضيين روح أنت إتطمن علي مامتك و إرجع .
كان يرد و يقولي : خلاص هتصل أطمن عليها و نبقي نروح كلنا في يوم تاني
رجلي علي رجلكم .
كانت حياتنا مثالية و جميلة لحد ما فجأة من سنة اتوفي سلفي في حادثة
و هو في عز شبابه و ساب مrاته و طفلين عندهم 6 سنين و 4 سنين .
و كانت وفاته صدmمة كبيرة لجوzي و حماتي .
و بعد فترة من وفاة سلفي بدأت ألاحظ حاجات غريبة علي جوzي … يتبع