انا ليا جارتي تسع سنين ساكنه فالشقه اللي قدامي و علاقتنا حلوه جدا و بقينا قريبين لبعض زي الأهل ، كانت بتجوز بنتها
و عامله الفرح ف قاعه كبيره و عزمتني انا و جوزي و بناتي الاتنين .. المهم روحنا و الظاهر اننا رحنا بدري لان القاعه كانت
فاضيه خالص و مفيهاش ناس كتير المهم انا عشان قصيره انا و جوزي و بناتي مراهقين فضلوا يتحايلوا عليا اننا نقعد ف
الترابيزات اللي قدام عشان يشوفو العروسه المهم رحت عند الويتر اللي شغال قلتله أهل العروسه يقعدو فين شاورلي علي
جنب معين قالي عشان الناحيه التانيه أهل العريس ف قلت عشان برضو متعداش عليهم و خليني قاعده مع أهل العروسه4
.. ف رحنا لقينا حوالي ست ترابيزات قدام كوشه العروسه ف قلنا نوسطن الموضوع و نقعد ف تالت ترابيزه بحيث لو ام
العروسه و كدا عاوزين يقعدو قدام ف اول ترابيزتين .. ف انا جوزي ضرير مش بيشوف و جيت قعدته و رحت خدت البنات
الحمام ف جيت لقيت جوزي دايخ و واقع ع الأرض رحت بسرعه لحقته لقيته بيقولي ان ام العروسه جت و خدته سندته
و مشته يقعد ف ترابيزه تانيه و هو اختل توازنه و داخ و وقع لأنها مشته بسرعه اوي .. ف انا بصراحه زعلت بس قلت يلا ده
فرحهم ف ببص لقيت ام العروسه من ضهرها ف لسه بقرب منها لقيتها بتقول