انا هكتب مشكلتي عشان انا و الله ما ليا حد اشوره
انا مطلقة و عندي بنت و سني 23 سنة اتطلقت من واحد ربنا يديه علي أد نيته و افعاله و قعدوا يقولوا مش هيجيلك حد و خلاص بختك وقف
لغاية لما ربنا بعتلي واحد الكل كان مستغرب انه جالي فلوس و املاك و صحة و عيلته عاليه و سمعته حلوة
متجوز و مخلفش وافقت و قولت انا لازم انجح في الجوازة دي و ربنا يوفقني
اول مشكلة عنده عمارة قاعدة فيها مراته الاولي مرضيش يقعدني فيها و قعدني في شقة في بيت اخوه في الشارع اللي وراهم سلفتي كل ما تشوفني تقولي جايبك مخلفة عشان يضمن و تضحك
اول تلت ايام في الجواز قضاهم معايا و رابع يوم لقيته راح لمراته الاولي اقسم بالله اتقهرت و فضل عندها اسبوع و كان بيتصل عليا و خلاص
و دلوقتي بيجي يومين عندي و الباقي عندها و مش بيبات بيقعد ساعتين تلاته و يروح عندها
و سلفتي مركزة معايا و تقولي اني هبلة و معرفتش اربطه زي ضرتي و لا حتي عرفت احمل بعد 5 شهور جواز
فقولت هروح لمراته الاولي