ياجماعه قولولي مين غلطان بنت خالت جوزي قاعده عند حماتي اليومين دول
وما شاء الله البنت اموره وما بتقعدش غير بترنجات محزقه وملزقه
واحنا بننزل عند حماتي اول ما حماتي تلاقينا قاعدين
تفضل يا اختي على حلاوتك يا اختي على جمالك يا اختي
لو كل البنات زيك كده لو كل الستات حلوه كده
المهم سكت فتره طويله قوي نبقى قاعدين كلنا البت
اعمل لك شاي اعمل لك نسكافيه انا هعمل لنفس كافيه ميكس
اعمل لك طب ما احنا كلنا قاعدين
المهم المهم قلت لها يا حبيبتي انا بعمل لجوزي كل حاجه ما تعمليلوش حاجه
حماتي تقول لي كتر خيرها انها بتعمل انت مالك عامله فرق كده ليه
انت مالك قطعت ارحام كده ليه مره اقوم اعمل ومره خليها تعمل .
المهم الموضوع بقى مضايقني جدا وتطلع تخبط علينا من فوق انزلوا ده
انا عامله كريم كراميل يلا وتنادي على جوزي انزل دانا عمله
مخصوص عشانك ومحدش هياكل قبل ما انت ما تاكل .
المهم وانا كل مقول لي جوزي عيب وأشد معاه يقولي دي عيله صغيره
متعمليش عقلك بيها وهي مش صغيره دي عندها ١٨عروسه يعني
المهم نزلنا رحت داخله المطبخ وربنا يسامحني ….. يتبع