اول موصلت..
لقيت اسراء صاحيه وماما قاعده جنبها وبتاكلها..
اسراء : عامل ايه ي7بيبي؟! ماما قالتلي انك منمتش امبارح طول الليل؟!
وحشتني..
انا تنحت.
وسكتت شويا وبعدين جاي اتملم تهتهت وقولتلها انا… انا… الحمدلله.. انتي ايه اخبارك..
ماما : بتقولك وحش*تني يا ادهم مترد علي مrاتك..
انا بتهتهه :ارد!! حاضر يماما… وانتي كمان وح*شتيني اووي يقلبي…
راحت اسراء وقتها ضاحكه ضحكه خبيثه كدا..
انا : انزل اجيب لك فطار يماما؟!
ماما : بدل متسالني اسأل اسراء يا اخويا..
انا : اسراء يماما بناكل من المستشفى بمواعيد…
ماما : ليه هو اكل المستشفي دا اكل؟! وله بقولك ايه انت
تنزل تجيبلي فرختين مشوين وصلتلات بقا وتظبطلي الليله كدا… سامع؟!
انا :فرختين ليه يماما؟! هي والده؟!
ماما : يسمع من بوئك ربنا يا ادهم…
يالا يا ادهم ي7بيبي قوم كدا ومتجيش من غير ال قولتلك عليه…
اسراء : مكنش له لزوم والله يطنط تتعبي نفسك وبتباتي امبارح..
ليه يا اسراء بتقولي كدا؟! هزعل منك والله.. ليه ما انتيش عارفه معزتك ف قلبك عامله ازاي؟!
الواد ادهم ده زعلك؟! قولي بصراحه..
اسراء : لا خالص يماما.. دا حتي طيب معايا جداً والله…
نزلت وجيت بعدها بنص ساعه.
خدي يماما كلي انتي الفرختين وسيبيها تاكل الاكل ال هنا ال الدكتور قال عليه…
علشان الدكتور ميتكلمش..
ماما : وله اقفل الباب ده واتذنب كدا وحط الكرسي وراه لحد مأكلها..
اسراء بضحك : مش جعانه والله يماما..
ماما : لازم تشدي حيلك كدا وتاكلي كويس يا اسراء..
وبصوت عالي.. ادهم.. سمعت قولتلك ايه؟!
انا : حاضر حاضر يماما.. شديت الكرسي وحطيته ورا الباب وحطيت رجل علي رجل واخيرا هفتح فيس وارد علي ال 100 رساله ال بعتاهوملي 100 بنت.. اخيرا…
ماما : نزل رجل من علي رجل يا ادهم وانزل جيب الميا والشاي وهاتلك نسكافيه.. يالا ي7بيبي الهمه كدا..
رفعت راسي وبصيتلها…
ماما :اه ولاسراء عصير…
واسراء هاتك يضحك..
نزلت وطلعت لقيت ماما بتديلي ساندوتش..
انا : دا ال فاضل م الفرختين؟!
ماما : لا ي7بيبي هعملك كمان ساندوتش خلص ده بس الاول…
باكل ف اول قطمه…
ماما :ها بقا هتجيبولي حفيد امتا علشان الحق اشوفه قبل ممو*ت..
انا : اح.. اح… وفضلت اكح وشر*قت..
ماما : مالك يا ادهم بتمو*ت ولا ايه؟!
واسراء نازله ضحك…
انا بعدها بشويا : متروحي بقا يماما علشان تريحي شويا…
ماما : طيب متروح انت يا اخويا..
بص انا رايحه الحمام وراجعه خلي بالك من مrاتك علي بال ماجي…ومشيت..
اسراء : علي فكره مامتك كانت مصره انك عذبتي او dربتني… او انت السبب..
فعلشان كدا اتكلمت معاك كدا اول مجيت..انت برضو مليكش ذنب..
انا : لا بس طلعتي ممثله بارعه اهو..
جه وقتها الدكتور…
الدكتور : لا عال خالص احنا كنا فين وبقينا فين..
انا : مينفعش يدكتور تخرج من المستشفي بقا…
الدكتور لا لسا محتاجه يومين كمان ولا تلات ولا حاجه…
اخدته علي جنب وقولتله : يدكتور والدتي قاعده معاها وكبيره ف السن وانا مش عاوزها تتبهدل…
فممكن تشوفلنا ممrضه تقعد معاها احد متخف معنديش مشكله..
وتبقا تيجي تشوفها برضو يدكتور..وتجيب حسام معاك..
الدكتور اخو حسام صاحbي : لا إلا طنط يا ادهم دي علي راسنا من فوق خلاص ماشي..
بس بعد المحلول الي في ايdيها ده ميخلص ولنتم روحوا وانا هبعتلك الممrضه..
لميت الحاجه… ونزلت نزلتها الاول في العربيه وماما نزلت معايا وبعدين طلعت اجيب اسراء…
انا يالا يا اسراء…
ومسيت قدامها وهي مشيت ورايا ببص لقيتني في اخر الطرقه وهي لسا ف الاول رجعت..
الله يا اسراء متمشي…
اسراء : حاسه اني مش قادره اخد نفسي…
انا : طيب اجيبلك ميا…
اسراء : لاء لاء.. بعد مبلعت ريقها..
طيب اجيبلك كرسي؟!
اسراء : لاء…شكرا يا ادهم
انا : طيب اشيلك دا الاسانسير هناك اهو..
اسراء : لاء طبعاً ايه تشيلني ده؟!
انا : دا انا شايلك لحد دالوقتي مrتين.. بس.
قولتلها كدا بعد مrجعت وسندت علي الحيطه..
يالا يا اسراء…
اسراء بعد مrجعت لورا.. ردت عليا وقالتلي.. يالا ايه ؟!
انا : هاتي ايdك هنمشي انا مش قادر اشيل تاني بصراحه..
ومديت لها ايdي.. ومسكتها.. ونزلنا ف الاسانسير…
ماما : كل ده بتنزلو…؟!
انا : معلش يماما اصل اسراء كانت دا*يخه.. وانا قولتلها اشيلك وهي مrضيتش.. يرضيكي يماما…
وروحت متدير وبصيت لأسراء .. راح وشها جايب الوان..
ماما… ليه يا اسراء مخلتيهوش يشيلك مش جوzك ده؟!
اسراء : اممم.. اه يا دmماغي…
انا : اديرت بسرعه وقولتلها بكل تريقه خبي*ثه كدا.. مالها دmماغك يا اسراء…
شكلها داخت ودmماغها وجعتها من العربيه يماما…خلاص قربنا نوصل اهو…
ماما : والله انا خايفه عليكم تتحسدmم.. انتم شكلكم محسودين..
انا : يالا يا ماما علشان اطلعك الشقه.
ماما : لا انا جايه معاكم… مش هسيب اسراء كدا.. مش شايفها لسا تعبانه وبعدين دي مش ام حفيدي؟!
انا : هو فين حفيدك دا يماما؟!
ماما : انت بتسألني انا يا اخويا…
انا في سري دا انتي مشكله يماما…
وصلنا باب الشقه..
ماما : عندكم ايه يتطبخ يا ادهم…
اسراء : متتعبيش نفسك يماما.. انا هقوم اطبخ علشان تتغدي معايا…
ماما : هو مين الي تعبان ومين الي سلبم ومين الي جاي مع مين بس يربي اقعدي يا اسراء ناmي انتي وارتاحي
وتعالي انت يا ادهم علشان تساعدني…
انا.. اناا.. يماما..
ماما : متنجز يا ادهم عقبال مrص الأكل علي السفره..
دخلت الاوضه.. وبصيت عليها وهي نايmه حسيت اني توهت فملامحها…نايmه زي الملايكه بجد… شعرها مفرود علي وشها.. بعض الخصل.. وخدودها حمrه علشان لسا عندها سخونيه ولا ايه.. طلعت اجري حطيت ايdي علي رأسها لقيت في حراره بس مش زي الأول..
لقيت حاجه جوايا بتقولي انت حbيتها ولا ايه..؟!
(الحb ليس بأيدينا.. الحb هو اجمل شيء يجمل الحياه في روحنا وقلُوبنا وعيوننا.. الله هو من يزرع الحb في قلوبنا..ربُما
هذا ليس بأيدينا الله هو من يُحدث تلك الصدف بكل تدبير واحكام ووقت معين..بالنسبه الينا مجرد صدفه..
ورُبما هى الافضل والفريده من نوعها.. ورُبما لا تأتى الا مrه واحده)
قربت منها اسراء يا اسراء… اصحي علشان الغدا..
لقيتها بتفتح عينيها وبتقولي طيب تمام جايه..
ماما رصت الاكل ومستنين مجاتش.
ماما : متروح يا ابني تشوف مrاتك.. روحت لقيتها نايmه..
انا : يا ماما نايmه…ناmت تاني..
ماما : طيب طفي النور وسيبها نايmه كمان شويا وانا هأكلها لما تصحا.. المحاليل الي بتاخدها دي بتسقع وتتعب اكتر وتنيم.. وعلي فكره بقا مrاتك تعبانه اووي.. وخلي بالك منها شويا…
انا : اشمعنا يماما اختارتيلي ديه بالذات؟!
ماما : وليه متقولش ان مجرد سبب وانها قسمتك ونصيبك!!
لعلمك ربنا بيحbك علشان كدا خلاها نصيبك وبالوقت هتلاقيها شبهك اكتر واكتر..
ربنا بيقول
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ)
وفجاه لقينا الباب بيخبط…
قومت افتح لقيت مrات ابوها…
يتبع…