” مش هتيجي معايا للدكتور؟ ”
شديت اللحاف بعصبية وقولت:
” الفلوس عندك في المحفظة وسيبيني دلوقتي عاوز أناm ”
لاقيتها قرَّبت شوية وقالتلي بصوت هادي:
” بس أنا مش هعرف أروح لوحدي! ”
تجاهلتها وكمِّلت نوm.
وقفت شوية واتنهدت تنهيدة طويلة ومشت!
ولما صحيت لاقيتها كتبالي ورقة على الترابيزة بتقولي:
” فطارك في الصالة على السُفرة افطر كويس! ”
بمسك المحفظة لاقيت الفلوس زي ما هي،
وبعد حوالي ساعتين لاقيتها داخلة ومكلمتنيش،
اتوضت ولحقت صلاة الضهر وبدأت تحضر الغداء وهي ساكتة!
قطعت سكوتها وقولتلها: ” الدكتور قالك إيه؟ ”
بصتلي وقالت: ” معدتي تعباني شوية! ”
وقعدت تردد دعاء أول مrة اسمعه في حياتي:
” اللهمَّ لا تجعلني صريعة الشيطان ولا ذليلة الإنسان
وأحسن إلى قلبي فأنت منبعُ الإحسان ”
استغربت صمتها المتواصل، حتى مهزرتش معايا زي كل يوم!
يمكن تكون زعلت منِّي عشان كان يوم اجازتي
ومrوحتش معاها للدكتور بس تعبها كان بسيط ومش مستاهل!
ببص لاقيت حماتي بترن عليا، فتحت وهزرت معاها شوية
وبعدين لاقتيها بتقولي: ” ألف مبروك يابني ”
قولتلها بتعجب: ” مبروك لإيه؟ ”
قالتلي باستغراب: ” هي سمr مقالتلكش إنها حامل؟ ”
كملت كلامي بهزار وقولتلها:
” لا طبعًا قالتلي بس الواحد بينسى كتير الفترة دي ”
يتبع
.
الجزء الأخير من هنااااااااااااااااااااااااااااااااااااااااااااااااااااا
الجزء الأخير من هنااااااااااااااااااااااااااااااااااااااااااااااااااااا
.