– كنت بخبي عليك عشان خايفة عليك تتعب اكتر…بس انا دلوقتي بتمنى لحظة واحدة احكيلك فيها عن كل اللي حصلي
عايزة احكيلك عن اللي سامح وأهله عملوه فيا
لتردف بحرقة :
close
– بنتك اللي كان نفسك تشوفها عروسة… اتبهدلت أوي…ياريتك ما اتمنيتها يا بابا… ياريت
ضمتها امها إلى حضنها بحزن :
– كفاية يا كاميليا … كفاية يا حبيبتي… انتي كده هتتعبي
همست بمرارة:
– مش قادرة اصدق يا ماما… كأنه كابوس…مش قادرة اصدق اني ملحقتش اشوفه
**********
بعد مرور أيام مراسم العزاء…
طلب سامح من كاميليا رجوعها معه ولكنها كانت ترفض بشدة
همست كاميليا بحزم:
ـ أنا مش راجعة معاه…مش راجعة معاه تاني
قاطعها جدها :
ـ ازاي يا كاميليا؟.. ده جوزك يا بنتي…هو اه غلطان ويتعلم الادب على اللي عمله… بس مش لدرجة أنك ترفضي ترجعي له خالص…هو كان خايف يا بنتي يخرجك فـ