– انا بس كان كل مشكلتي اني كنت مستنية راجل… راجل في كل حاجة … عشان الرجولة الأيام دي بقت صعبة بجد ان حد يلاقيها
– و نديم اثبتلي انه هو ده الراجل اللي كنت مستنياه
ابتسمت امها بسعادة :
– ربنا يفرح قلبك يا حبيبة قلبي..اخيرا وافقتي على حد
-فراس كمان جدع اوي بس فراس انا بحبه كأخ وصديق…انا طول عمري من صغري شايفة فراس اخ
– ربنا يعوضه عن اللي حصله من طليقته
صاح صوت الجد من الخارج :
– انت يا بني مش امتحاناتك كمان شهر…قاعد بتعمل ايه بس؟
لتخرج كلا من فاتن وكاميليا في محاولة لفض الشجار المضحك بينهم
هتف كمال بزهق :
– بقولك ايه يا جدو … هتقول بقى اطلع دكتور والجو ده مش هينفع والله…ما انا اكيد مش هطلع دكتور من ادبي يعني…
ليضيف بسخرية :
-ايه هفتح بطن المريض بسيف الدين قطز ونخلص؟
قاطعته كاميليا قائلة بنبرة ساخطة :
– لا هتنادي على محمد علي يساعدك
هز رأسه بشحوب شديد :
– لا محمد علي لا…لا بلاش محمد علي