– دول غيرانين منك يا غبية
– تفتكري !
– والله العظيم أنتِ زي القمر
________
close
بعد مرور عدة أيام
بعد أن أنهت كل شغل المنزل .. طلبت من زوجها بهدوء:
– سامح انا عايزة أروح أزور بابا في المستشفى .. ماما قالتلي إنه اتحجز وتعبان اوي
تدخلت أمه في تلك اللحظة فجأة بينهم :
– هو أنت كل شوية تروحي تزوري أبوك.. ما تشوفي شغل البيت الأول
تجاهلتها قائلة لزوجها بأدب:
– سامح بعد إذنك عايزة أروح أزور بابا
لم تجبها حماتها الا بـ مصمصمة شفتيها بامتعاض ثم قالت:
– هو أنا مش رديت عليك أنا الأول ؟
– ماما عندها حق يا كاميليا شوفي شغل البيت الأول
هزت رأسها ودموعها تتساقط بعنف:
– ده بابا يا سامح !!! بقولك بابا تعبان.. أنت بتهزر
تدخلت شقيقته سميحة قائلة:
– ما تشوف مراتك يا سامح بتعلي صوتها .. واضح إنك مش عارف تحكم على مراتك خالص ولا تمشي كلمتك عليها