– لا يا نديم مش هينفع … دانا مش هينفع تسيبني وهي زعلانة
نظر لها نديم برقة :
– انتي مش شايفة الموقف عامل ازاي … حرام تأذيها لو بتحبيها سيبيها معايا النهاردة…ممكن
close
شهقت كاميليا بيأس:
– دانا
فتح نديم باب الشقة وخرج:
– انا هنزل … متخافيش عليها هي في امان معايا
صاح سامح باعتراض وهو يحاول الخروج وراء نديم:
– انت رايح فين يا عم انت و اخد بنتي كمان … مش هسيبك.. انا نازل
وقف كمال أمام الباب يمنع سامح قائلا بعناد:
– لا مش هتنزل غير لما هو يمشي
لتتصل كاميليا على نديم وهي تناول جدها الهاتف ليرد على نديم قائلا:
– اول ما تتحرك بالعربية قولي عشان البيه ينزل
عاتبه سامح بقهر :
– كده يا حاج بتمنعني انزل ورا بنتي !
وبعدين انا مش هسيبها على فكرة … مش هسيبكم تحرموني منها.. مش كفاية مش قادر اجيب غيرها
سأله الجد باستغراب :