– دا بجد يا فراس انت جدع فعلا..
صاح نديم بصرامة لوحيد:
– شوفلنا الناس اتأخروا ليه بسرعة…
close
اعترض وحيد قائلا:
– دي مش مهمتي يا باشا دي مهمة السكرتيرة بتاعتك.. ولا انت عينتني سكرتيرة ؟؟
زفر نديم بغيظ :
– قسما بالله ما ناقصة لماضة اهلك
__________
بعد مرور عدة أيام
في منزل كاميليا
كان يزور والدتها وكمال .. فوجد فاتن بالمنزل فقرر أن يتحدث معها قبل ان يفاتح كاميليا بالحوار :
– فاتن ازيك
– ازيك يا فراس
فراس بأدب:
– كنت عايز اتكلم معاكي
أومأت بابتسامة :
– اه طبعا اتفضل.
رفع رأسه بتردد:
– انا بصراحة عايز اتكلم معاكي في حاجة ومش عارف اتكلم مع مين فيها
ثم أردف بجدية :
– انا بحب كاميليا