وماقدرش يرد عليه بولا كلمه وحده وشويه وخد زياد ومشى وابويا هنا خدنى فى حضنه وقلى مع علش ياحبيبتى انتى لازم تجوزيه عشان كلام الناس انتى عشتى فى بيته والناس مش هترحمك لو عرفو الحقيقه وانا ابكى واقله مايهمنيش كلام حد يقلى بس احنا يهمنا زى بعضو اغصبى على نفسك واجوزيه وبعدين هو هيطلقك ومحدش هيكون ليه عندك حاجه وانا اقله مش قادره ابص حتى فى وشه وابويا يقلى ده هيجوزك جواز سورى بس وانتى
هتعيشى معانا هنا فى البيت وشويه وهو هيطلقك بس عشان كلام الناس الكل عارف انك كنتى مجوزاه وكنتى عايشه معاه فى بيت واحد افرضى معايا دلوقتى حد اتقدملك وعارف انك كنتى مجوزه نجبله منين قسيمة طلاقك عشان نثبت انك مطلقه وانا اقله مش عايزه اجوز هعيش طول عمرى كده وابويا يقلى بس انا عايز اجوزك وافرح بيكى وبعيالك قبل ما اموت وانا اقله اجوز اى حد الا خالد يقلى ياعبيطه الناس كلها عرفت انك كنتى مجوزه خالد نقله اى دلوقتى أصلها ماكانتش مجوزاه وكانت بتكدب علينا وكانت عايشه معاه فى بيت واحد يرضيكى يتقال عليه ماعرفتش اربى يرضيكى يتقال عليه راجل لا مؤاخده انا عارفك كويس وواثق فيكى بس كلام الناس يابنتى ابوس ايدك ابوس
راسك اسمعى كلامى المره دى بس عشان خاطرنا كلنا امى واخواتى وابويا كانو محاوطينى وعمالين يزنو عليه اوافق وفى الاخر ماقدرتش اهرب منهم ولا من ذنهم عليه وقلت خلاص هجوزه بس يطلقنى تانى يوم على طول ابويا فرح قوى وبسرعه اتصل بخالد وقله انى موافقه وخدنى ابويا ورحت معاه عند المأذون انا وخالد واجوزنى هناك وقبل ماامشى قلتله بكره تطلقنى ضحك وقلى ماطلقك دلوقتى واخلص منك قلتله ياريت وبكره اجه واتصلت بخالد وقلتله ييجى عشان يطلقنى قلى مش هطلق واعلا مافى خيلك اركبيه قلتله هطلق ورجلك فوق رقبتك قلى انتى بتحلمى سمعت انا كده وجريت على ابويا وقلتله خالد رافض يطلقنى ضحك ابويا وقلى ياعبيطه لسه ماعرفتيش خالد بيحبك واعترفلى هو بكده وكل الى كان بيعمله معاكى كان من ورا قلبه هو فى الاول كان مخنوق منك وكان عايز يقتلك لكن لما عشتى معاه فى البيت اتعود عليكى واتعود على وجودك فى حياته وكان بيكابر لحد ماعرف أنه بيحبك