جاسر:جيت اطمن علي قلبي علشان وحشاني، ايه اجرمت ولا اجرمت
عشق:ايوه اجرمت ميصحش كدا اطلع يا جاسر
جاسر:يخربيت جاسر اللي طالعه منك ،حبيبتي يلا اجهزي علشان المأذون جاي كمان ساعتين
شهقت عشق:كمان ايه. ساعتين ليييه مش بيبقا قبل الفرح
جاسر:تؤ تؤ دلوقتي من يوم الفرح ايه يا عشقي
عشق: بس بردو
جاسر:هو انتي مش مبسوطه أنك هتكوني معايا بعد السنين دي مش فرحانه أن فرحك كمان يومين ..
اقتربت منه عشق وقالت:ليه بتقول كدا فرحانه أوي كمان بس متوتره ،وبعدين كل حاجه جات بسرعه مش اكتر متزعلش مني علي تقصيري معاك
حضنها جاسر وهو سعيد من كلام عشق وقطع هذه اللحظه
ساره:يلهووي بتعمل هنا ايه يا جاسر
ابتعدت عشق مسرعه وهي شبه الطماطم
جاسر:ايه يا مرات اخويا مراتي وبحضنها
ساره:لسه ها لسه يا جاسر يلا برا من غير كلام كتير علشان اظبتها كدا
جاسر:اووك اوي كلها كام ساعه
وخرج وهو يبتسم ابتسامه شيطانيه
ساره:مالك كدا يا بنتي اضحكي كدا واتبسطي دا انتي مش أي عروسه دا انتي هتبقي مرات أكبر صاحب شركات في البلد