-من إمتى يا إيمان. من إمتى و إنتي متعلّقة بيه كده و سامحة له بالتجاوزات !؟
و علا صوته إلى حد كاد يصمّ الآذان :
-لما كنتي بتروحي تزوريهم و تباتي بالأيام هناك.. كان بيحصل إيـه من ورا ضهري !!؟؟؟؟؟؟؟؟
على قدر خوفها منه، تدافع الكلام من فمها بسرعة و تنميق لم تتوقع أيّ منهما :
-إنت اتجننت. إيه إللي كان ممكن يحصل يعني.. إنت إزاي توجه لي إتهام زي ده. فوووق يا أدهم و أعرف إنت بتكلم مين. مش معنى إني ست و عندي مشاعر زي أي واحدة أبقى أعمل إللي بتفكر فيه. أنا طول عمري مقفول عليا و محدش شاف خيالي. و لما اتجوزت عشت أسود سنين حياتي رغم إني كنت بحبه. إيـــه. هاتعلق لي المشنقة عشان هفوة مقدرتش أسيطر فيها على مشاعري. إنت فكرني حجر. مابحسش. أنا مابقتش صغيرة و مش من حقك توقفني كده زي التلميذة. أنا
إتبدلت في حياتي ما فيه الكفاية. إتبهدلت و مش هاسمح لحد يجي عليا تاني و لا حتى إنت. ســـامع !!!؟؟
و شهقت بعمقٍ مكافحة غصّة البكاء لآخر لحظة، غطت فمها بكفّها و استدارت مهرولة إلى غرفتها قبل أن تنهمر دموع القهر و الضعف من عينيها مرةً أخرى !
يتبع…
“على قدر حبّي لك ؛ كان انتقامي من نفسي !”
_ إيمان
الأيام التالية في البيت _ المكان الذي لا تغادره أبدًا و ليس باختيارها _ كانوا مثل الأيام التي قضاهم “مراد” هنا منذ عودته خائب الرجاء بعد طلاقه.. أوقاتًا مليئة بالدراما