حياتي حبيبي وسندي وهتصوني بس لا انت مكنتش كل دول..
مصطفى لا انا لسه مصطفى حبيبيك..
شوق انت مصطفى اه .. بس مش اللي حبيته وكنت فكراه هيصوني ويحافظ عليا انت طلعت حد تاني خالص انا معرفوش..وأول امتحان لحبني فشلت فيه.
مصطفى كانت لحظة غضب ومكنتش حاسس بروحي..سامحيني ياشوق..
شوق انا مسمحاك ..مسمحاك عشان اعرف اعيش حياتي من جديد ..مسمحاك عشان مش عايزة افكر فيك تاني..
مصطفى انتي مراتي وحبيبتي..وكل حاجه ليا متسبنيش ياشوق
شوق احنا مبقتش حاجه تربطنا مع بعض ..خلاص وصدقني مش هقول لحد على جرى مابينا ..بس بالله عليك طلقني وريحني…
مصطفى لدرجادي مش طايقاني.. اديني فرصه ياشوق فرصه وحده واعوضك عن كل حاجه وحشه عشتيها..
شوق خلاص اللي ما بينا انتهى.
مصطفى ايه الجبروت اللي انتي بقيتي فيه ..فين شوق حبيبتي ..الطيبه الرقيقه.
شوق قولتلك شوق اللي بتحبك ماتت ومات حبها معاها دلوقتي انا شوق اللي هتعيش لنفسها وحياتها وطموحها والحياة مبتقفش على حد..انا هجهز شنطتى عشان هنرجع البلد واول من نوصل عاوزاك تطلقني..
مصطفى بالسهوله دي..
شوق بعد اذنك..
مصطفى استنى هنا انا مش هسيبك ياشوق انتي بتاعتي..