نور زي مقولتلك مشكلتي مش مع ادهم مشكلتي مع اخوه مازن انا كنت محامية مراته….لتصمت للحظه وتكمل لانه كان يتعاطى وكمان بيشرب خمره وبيضربها وحتى ابنه الصغير نفسيته تعبت قوي لتقول بتاثر حاولت اخفائه معرفش ليه يخلفوا وهما مش قد المسؤوليه…
امسك يحيى يدها بحنان ..وبعدين حصل ايه..
نور فاكر لما لقيتني بالقسم هناك لما خرجتني من قضية الاداب..
يحيى وهو يعلم جيدا ماحدث ذلك اليوم..اها فاكر..
نور كان مازن وراها عايزني اتطرد من شغلي واتفضح وعلى فكره هو اللي قالي الكلام ده لما اتصل بيا…لاني كنت بترافع
بقضية طلاق مراته..بس انتا عارفني مش هقدر اسكت وحد بيهددنني وكان هيوديني بستين داهيه….رحت كملت قضية طلاقه وطلقته من مراته عشان كان عندي تحاليل وفحوصات تثبت انه كان بيضربها..ولما طلعت الورق اللي بيثبت انه بيتعاطى وكمان بيروج للممنوعات..حكموا عليه بالسجن وودوه مصحه عشان يتعالج فيها .
.بس هو مستحملش وانتحر..ودلوقتي ادهم حاطط اللوم كلوا عليا
يحيى وهو يحتضنها متخفيش انا معاكي..
نور ابتعدت عنه ورمقته بنظرها لتهدر على فكره انا مبخفش من حد..
يحيى ضحك..
نور انت بتضحك على كل كلمه بقولها ليه..