قدر بضحكه:قصدنا ان الورق دا معانا احنا هاتى ي قمر الورق قمر جابت الورق وقدر قطعته قدام الكل
قمر بثقه:ها ي قلبى لسه فيه حاجه تانى ؟!
روفيدا بغضب:انا هرفع عليكى قضيه
قدر بتريقه:قضيه ايه بقى انشاء الله دا حتى احنا اللى معانا التسجيل
رحيم:والله لازم اوريكوا اخر مفاجاه ليكوا
طارق بضحك:احب مفاجئاتك
رحيم:يلا ي شباب وهنا دخلت الشرطه اتقبض على روفيدا ورحيم كان مبلغ عن مهند ويوسف برضو وخدوا جزائهم
نور:طب اخر مفاجاه منى انا بقى
الكل بصلها ومستنى المفاجاه
نور بخبث:انهارده خطوبتى انا وايان
الكل:نعممم؟!!
ايان بضحك: وانا عندى مفاجاه كمان انا اه هخطب بس مش انتى للاسف انا هخطب ملاكى
طارق بضحك:طب وانا يعم أخطب ندى هتيجى عليا
رحيم :انا بقول خليها كتب كتاب ونتجوز اخر الاسبوع
محمد :هو انتوا بتحجزوا بطاطس انتوا هتتجوزوا على فكره
طارق:يعمو بقالنا كتير مفرحناش جوزنا بقى
محمد:لو البنات موافقين انا موافق ولا ايه رايك ي دعاء
هنا دعاء زغرطتت
طارق بضحك:كده دودو موافقه عقبال الباقي
ايان بحب:تتجوزينى ي ملاكى
ملك كانت زعلانه منه بس الحب اللى شافته فى عيونه شفع ليه قدامها
ملك:انا موافقه
طارق بضحك:استنى ي ايان والنبى اجرب استنى تتجوزينى ي ندى
ندى بضحك:تخيل على اخر الزمن اتجوز اكتر واحد كنت بكرهه
طارق بضحك:هى موافقه ي جماعه
ندى :استنى بس انا موافقتش لسه
طارق بحب:والله لو رفضتى هفضل وراكى برضو واتجوزك
رحيم بضحك:خلاص بقى ي عم دا انت قولت الكلمتين اللى انا كنت مرتبهم وعمال احفظ فيهم
قمر بحزن وصوت واطى:مش عايزاه يتجوز ي قدر
قدر بمشاكسه:ليه ي قلب قدر مش انتى قولتى انكوا مجرد صحاب وهو بيساعدك بس
قمر بحزن:مش عارفه بس مش عايزاه يتجوز
رحيم بصوت عالى :كده ي قمر مش عايزه تتجوزينى؟
قمر :ي نكدى هو سمع ازاى وبعدين …..استنى كده انا مش فاهمه انت عايز تتجوز مين؟!!!
رحيم بحب:اتجوزك انتى ي قمرى
محمد بضحك: انا دلوقتى بس اتاكدت انى معرفتش اربى
دعاء بلويه بوز:استنى ي اخويا منشوف ابنك هيعمل ايه
رعد بضحك:كل خير باذن الله
رعد:ي ريت الكل يركز معايا بعد اذنكم انا طول عمرى مقتنع انى مش محتاج حد يساندنى وانى اقدر اعمل اي حاجه لوحدى
بس انهارده بس اتاكدت انى من غير وجود الناس اللى بحبها جنبى مكنتش عرفت اعمل حاجه وجودكوا هو اللى فرق معايا وهو اللى أدى لحياتى معنى شكرا بجد لكل واحد دعمنى ووقف جنبى (وهنا اشتغلت اغنيه شكرا ع الكلمه الحلوه)
رعد بعشق: تتجوزينى ي قدرى ؟!
قمر وندى وملك فى صوت واحد:وافقى بقا
الكل:وافقى ي قدر
قدر بدموع:هوافق بس علشان الناس دى إنما أنا هوريك ازاى تزعلنى تانى وبعدين مش انت قولت أننا مجرد مدير وسكرتيرته
رعد بضحك:لا ما انتى بقيتى مطروده من دلوقتى بقينا مدير وحبيبته
محمد:يلا على خيرت الله نكتب الكتاب بقى
ندى بضيق:لا استنى كده يعمى وانت ي طارق كل واحد بيدلع حبيبته واللى يقول قدرى وقمرى وملاكى وانا مليش دلع ولا ايه
طارق بضحك:اسمك اللى ملوش دلع من دا ي قلبى اعمل ايه يعنى
ندى بلويه بوز:خلاص طالما مش عارف تعمل زى صحابك خلاص طلقنى
طارق بضحك:حاضر اتجوزك الاول وهطلقك بعدها
وائل:انتو مش واخدين بالكوا من حاجتين مهمين
الكل :ايه هما
وائل:اول حاجه انا موافقتش لسه
وهنا البنات والشباب بصو عليه بضيق
وائل بضحك:خلاص خلاص مكنتش كلمه وكمل بحب انا اسعد انسان انى شايف بناتى الاربعه بيتجوزوا من اللى قلبهم اختاره
البنات جريوا عليه وحضنوه
_ربنا يديمك فى حياتنا ي بابا
وائل بحب:ويديمكوا ليا ي حبايبى
الشباب:ايه هى الحاجه التانيه بقى
وائل بضحك:مفيش مأذون
طارق بسرعه:لا والله حج بدر موجود فى الفرح اهو وريهم نفسك ي عم بدر عايزين نتجوز بقى
عم بدر:مش جايب معايا الدفتر والله
ايان بسرعه:خلاص ي شيخنا انا لسه شايف كراسه مع عيل صغير هنا اكتب فيها وخلاص
والمعازيم كلهم ضحكوا ودعولهم من قلبهم أن ربنا يتمم عليهم بخير وانتهوا على كلمه قبلت زواجها وبارك الله لكما وبارك عليكما وجمع بينكما في خير ♥️🫂 وتفوت الايام ويعملوا فرح هما الاربعه فى نفس اليوم
_____على باب القاعه
رعد:جاهزه ي قدرى الحلو جاهزه نبتدى حياتنا سوا ؟!
قدر بحب:جاهزه ي رعدى
ايان بحب:وانتى ي ملاكى؟!
ملك بحب:وانا ي قلب ملاكك
رحيم بعشق:وانتى ي قمرى ؟
قمر بخجل: وانا جاهزه ولو كان اخر يوم ليا عايزه اكون معاك فيه
طارق لسه هيتكلم ندى قاطعته
ندى بضيق:جاهزه يعم عايزه اهيص وافرح بقا مش هنقضيها جاهز وجاهزه احنا
طارق بضحك:والله متجوز دكر
ندى : قولت حاجه ي حبيبى🔪
طارق بخوف: ابدا ي قلب حبيبك
والكل ضحك على طارق وندى
وانتهت روايتنا بزواج واجتماع كل حبيب بحبيبته♥️
تمت..