الفرح اللي كان عندينا وهو عازمني امبارح .
صالح بجدية :- تمام يابوي اني كان عندي خبر وبأذن الله هنروح .
علوان بجدية :- علي خيرة الله .
تنحنح علي قائلاً :- انا ان شاءالله يومين تلاتة كدة وهنزل القاهرة عشان شغلي .
نظر له علوان قائلاً بجمود :- احنا لسة متحسبناش ع اللي عملته وانك تهربها منينا وانت راچل وكان المفروض تكسر رجبتها مش تخليها تهروب .
نطق علي هاتفاً ياابويا انا …
قاطعه علوان قائلاً بصرامة :- مفيش حديت تاني يتجال انت هتنزل مصر تمد اچازتك وترچع تاني لكن مفيش سفر دلوك وكلمتي اني هي اللي هتمشي وخلص الحديت لحد اكديه .
ثم نهض من مكانه وتركهم ورحل وبعد ان رحل نهض علي من مكانه وصعد الي غرفته بغضب وهو لايعلم الي متي ستظل كلمة والده هي السائدة ……
************************************************
في منزل جاسم :-
استيقظت اية مبكراً علي موعد جامعتها نظرات الي الفراش الفارغ بغرفتها بحزن وهي تتذكر لحظاتها مع حياة هي حقاً اصبحت وحيدة منذ ان رحلت حياة فحياة كانت تشكل جزءاً هاماً في حياة اية فقد أثر فراقها في اية كثيراً وهي لاتعلم الان ماذا سيحدث بعد زواجها هل ستأتي الي الجامعة مجدداً ام لا قررت اية انها بعد عدة ايام ستذهب لزيارة حياة بمنزلها الجديد لكي
تطمئن عليها فهي حقاً قد اشتاقت اليها كثيراً واشتاقت الي تلك الايام التي كانوا بها سوياً ولا يفترقون ظلت تنظر الي الفراش قليلاً بحزن ثم امسكت هاتفها وقررت ان تهاتف ندي حتي تقابلها بالجامعة لم تجيب ندي علي اياً من اتصالاتها فاستغربت قليلاً ولكنها قررت ان تنتظر بعض الوقت ثم تعاود الاتصال مجدداً وبالفعل دلفت الي المرحاض واستعدت لتذهب الي الجامعة وبعد بعض الوقت عاودت الاتصال بها مرة اخري لم تجيبها ندي هذه المرة ايضاً فقلقت اية وتوترت فخرجت من غرفتها حتي تعد
لجاسم طعام الافطار ثم تذهب الي جامعتها لتري ندي وتطمئن عليها جهزت الطعام لجاسم وخرج من غرفته وجلس معها علي طاولة الطعام كان جاسم يتناول طعامه بينما اية كانت تعبث بهاتفها وهي تحاول الوصول الي ندي ولم تستطع ولاحظ جاسم هذا التوتر البادي علي وجهها فسألها قائلاً :- مالك يااية ماسكة الموبايل ومتوترة كدة ليه !!
اية وهي تنظر الي الهاتف قائلة بتوتر :- هاا لا مفيش حاجة .
استغرب اسر اكثر وهتف قائلاً بحنان :- لو في اي مشكلة معاكي قوليلي ونحلها مع بعض .
نظرت له اية قائلة بقلق :- اصل من ساعت ماصحيت بتصل بندي ومش بترود .
جاسم بتعجب :- طب وايه المشكلة ما جايز نايمة او مش سامعة الفون .
اية بتوضيح :- لا انت متعرفش ندي دي مش بتسيب الفون من ايدها وعلي طول معاها عشان لو باباها اتصل دة غير انها بتصحي بدري جدا عشان تدي لباباها العلاج وعمرها من ساعت ماعرفناها اتأخرت ف صحيانها دي هي اللي كانت بتتصل تصحيني انا وحياة عشان منتأخرش علي المحاضرات .
توتر جاسم قليلاً بعد حديث اية وشعر بالخوف عليها وتسائل بداخله مالذي ممكن ان يكون قد حدث لها ولكنه لم يظهر توتره هذا امام اية حتي لا يثير شكها تجاهه فاردف بالامبالاة مصطنعة :- طب خلاص دلوقتي تروحي الجامعة وتطمني عليها .
اية بتمني :- يارب بأذن الله هلاقيها جات الجامعة واتطمن عليها .