جلسوا علي الاريكة وبدأت رجاء بالحديث بحنو قائلة :- بصي انا هتكلم وياريت متقاطعنيش لحد مااخلص كلامي .
هزت حياة رأسها بصمت بمعني موافقة فاسترسلت رجاء حديثها بنفس النبرة وهي تقول :- في حاجة انتي لازم تعرفيها عن اسر عشان ابقا ريحت ضميري قدام ربنا .
نظرت لها حياة بخوف مما ستوشك علي قوله ولكن رجاء اكملت حديثها قائلة بنبرة حنونة يشوبها الحزن :- من حوالي 3 سنين تقريباً اسر كان بيحب بنت وبيعشقها بس فجأة البنت دي اختفت وانا بعدها عرفت اللي حصلها ومن اسر نفسه هو
اللي قالي وانا مش هقدر اقولك ايه اللي حصل وقتها بس كل اللي اقدر اقولهولك ان اسر اتجرح جرح كبير اوي وصعب علي اي راجل يستحمله انا مش هقدر احكيلك تفاصيل الموضوع دلوقتي لاني متأكدة ان اسر هيجي بنفسه في يوم ويحكيلك كل حاجة انا عاوزاكي بس تعرفي ان اسر اللي انتي بتتعاملي معاه دة دلوقتي مش هو اسر ابني من 3 سنين فاتوا ابني طيب وحنين يابنتي صدقيني بس اللي حصله مش سهل ودة مش مبرر مثلاً ببرر بيه افعاله لا ابداً انا بس عاوزاكي تحتويه وتكسبيه
عاوزة ابني يرجع زي الاول وحاسة انك انتي اللي هتعملي كدة .
حياة بصدمة :- اناا !!
رجاء بحب :- ايوة انتي ياحياة .
كانت حياة تقاوم فضولها لمعرفة ماالذي حدث منذ 3 سنوات ولكنها قررت ان تحترم رغبة رجاء ولم تتحدث ولكن لم تستطع ان
تمنع نفسها من السؤال قائلة :- هو حضرتك عرفتي منين اذا كان اسر بيعاملني وحش او حلو واشمعنا بتقوليلي الكلام دة ؟
رجاء بجدية حنونة :- انا ام وزي اي ام بتكون عارفة ابنها وتصرفاته وطباعه اما بالنسبة بقولك الكلام دة ليه لان خلاص كلها يومين وهتبقي مرات ابني دة غير اني حاسة ان جوازتكم دي وراها سر او في حاجة مش طبيعية في الموضوع بس انا واثقة
ف اختيارات ابني وطالما اختارك يبقا قدرتي تحركي حاجة جواه حاجة مفيش واحدة تانية قدرت تحركها .
حياة بحيرة :- طب انا حضرتك ايه المطلوب مني دلوقتي !
رجاء بجدية وحزم :- تبقي قوية قدامه بصي انا معرفش انتي بتتعاملي معاه ازاي لاني مشوفتكومش ولا مرة بتتكلموا بس كل اللي عاوزاكي تعمليه انك تبقي قوية ومتبينيش قدامه خالص انك ضعيفة اسر بعد الصدمة اللي اتصدمها دي كره كل البنات
ومبقاش يثق ف ولا واحدة وكل يوم مع واحدة شكل عشان يثبت لنفسه ان كلهم خاينين بس يابنتي هو نسي ان زي مافي الوحش في الحلو كمان وانا واثقة فيكي انك هقدري تواريه الحلوة دة وعلي فكرة اسر ميعرفش اني عارفة بسهراته مع البنات او الحاجات دي ودة كمان سبب من الاسباب اللي خليتني اكلمك واثق فيكي ان طالما اسر اتجوزك ومعتبركيش من البنات اللي يعرفهم يبقا اكيد اتأكد انك مش زيهم ودي حاجة مخلياني متفائلة خير بيكي المهم تفضلي قوية قدامه فهمتي كلامي .
هزت حياة رأسها بصمت وشرود فنهضت رجاء قائلة :- انا هسيبك تفكري ف كلامي واللي ربنا عاوزه هو اللي هيكون .
رحلت رجاء وتركت حياة غارقة في شرودها وتفكيرها لقد تشوش عقلها ولكن علي الاقل اتضحت بعض النقاط واهمها انها قد
فهمت سبب معاملة اسر القاسية معها فهو يعتقد انها ك حبيبته السابقة ارادت ان تعرف بشدة ماهذا السر الذي يخفيه اسر في حياته ولكنها قررت الصبر حتي تعلم كل شئ قريباً …..
<>
افاقت من شرودها ونظرت الي اسر وجدته مستمر بالقيادة بصمت وبملامح وجه صلبة وضعت رأسها علي النافذة بجانبها واغمضت عيناها قليلاً وذهبت في ثبات عميق ….
************************************************
عودة الي البلد :-
بعد ان رحلت حياة شعرت مهرة ببعض التعب فاستأذنت لتذهب الي غرفتها وصلت الي الغرفة ودلفت الي المرحاض لتأخذ حماماً دافئاً لتزيل عنها ارهاق الايام الماضية بعد قليل من الوقت خرجت من المرحاض وهي ترتدي منامة بيضاء تصل الي ما
بعد الركبة وتدثرت في الفراش ولكن اتي في مخيلتها صورة لحياة ولوالدتها وهي تحتضنها ثم تذكرت عندما اتت والدة اسر وكيف كانت تعامل حياة وتحبها وتعاملها برفق وتذكرت ايضاً عندما طلبت منها والدة اسر ان تناديها ب ماما تلك الكلمة التي لم تنطقها طوال حياتها لاي مخلوقة حتي زوجة عمها جبران علي الرغم من انها لم تري منها اي شئ سئ الا انها لم تقل لها