بالتقدم للجهة الاخري وهو الزعيم ويحدث الشخص الذي امامه قائلاً :- چيبت المطلوب ؟
شخص 2 :- ايوة كل حاچة تمام وانت چيبت فلوسك ؟
شخص 1 :- ايوة بس البضاعة تبجا زينة المرادي .
شخص2 :- بضاعتنا علي طول زينة فين فلوسك ؟
اشار الشخص الي الرجل بجانبه بعلامة من رأسه فتحرك هذا الرجل ومعه رجل اخر الي صندوق السيارة الخلفي واحضروا حقيبتان كبيرتان الحجم واحضروهم امام كل هذه الرجال فقال شخص 1 :- فلوسكم اهي وارينا البضاعة بجا .
شخص 2 :- لما نتطمن ان الفلوس ديه مش مزورة الاول .
تأفف الرجل الاول وبعد ان اطمئنوا ان المال حقيقي احضروا عدة صناديق صغيرة الحجم وكشفوا عنها لنجد العديد والعديد من
الاكياس الصغيرة البيضاء بها هذا المسحوق الابيض المسموم فهتف فهتف شخص 2 :- بضاعتكم اهي اتأكدوا منيها قبل مانمشوا .
وبالفعل تأكدوا من جودة البضاعة ثم هتف شخص 1 :- زين يارچالة وان شاءالله ميبجاش اخر تعامل بيناتنا .
اومئ له الرجل بصمت ثم رحل بعد ان حصل علي ماله بينما باقي الرجال وضعوا الصناديق بصندوق السيارة الخلفي ورحلوا ….
************************************************
صباح يوم جديد علي ابطالنا اشرقت اشعة الشمس علي بطلتنا تململت في فراشها قليلاً وهي لا تشعر برغبتها في الاستيقاظ فمنذ ذلك اليوم وماحدث بينها وبين اسر وهي حقاً لا تشعر برغبتها في شئ هي فقط تشعر بالخواء وشعور بالعجز والقهر يراودها بين الحين والاخر وايضاً هاجس مقلق يخبرها ان اختفاؤه هذا وراءه سبباً ما وسبب قوي ايضاً فما اخبرها به المرة الاخيرة يوضح تماماً انه سيظهر ثانية في حياتها والان اختفي ماذا يعني اختفاؤه هذا هل يريد ان يثير قلقها وخوفها هي
لا ينقصها المزيد من الخوف حقاً يكفي ماتعانيه اذاً ماذا يعني اختفاؤه هذا ياالله ارحمني واحميني منه ياالهي ليس لي سواك ..
قطع عليها شرودها دخول اية الي الغرفة لتيقظها فوجدتها مستيقظة بالفعل فابتسمت لها قائلة :- صباح الخير يايويو صحيتي امتي !
حياة بابتسامة مرهقة :- لسة من شوية كدة .
اية بمرح :- طب يلا ياختي البسي بسرعة ورانا جامعة وهم مايتلم .
حياة بهدوء :- اية انا مش هروح الجامعة النهاردة .
اية بقلق :- ليه خير ياحياة ف ايه ؟
حياة بابتسامة خفيفة :- لا متقلقيش انا كويسة انا بس مرهقة شوية وعايزة انام .
اية بخوف :- طب لو تعبانة اواديكي للدكتور او اجيبهولك هنا.
حياة بهدوء :- لا ياحبيبتي انا معنديش حاجة مستاهلة دكتور دة شوية ارهاق عادي .
اية بتساؤل ونظرات متفحصة :- متأكدة ياحياة طب مش عاوزاني اقعد معاكي ؟
حياة بابتسامة لم تصل الي عيناها :- لا يااية متعطليش نفسك انتي روحي الجامعة وانا صدقيني هنام واصحي ابقا كويسة .
اية بابتسامة :- طيب وانا هحاول النهاردة متأخرش عليكي .
ثم ودعتها وخرجت من الغرفة فاستلقت حياة علي الفراش ونظرت الي السقف بشرود تاام ….
اما في الخارج كان جاسم يتحدث مع اسر بالهاتف عن عدة مواضيع تخص العمل عندما اتت اية اليه وهي تقول :- جاسم يلا بينا احنا عشان منتأخرش حياة مش رايحة الجامعة .
انتبه جاسم لما تقوله وقال لاسر :- ثواني يااسر خليك معايا .
ثم التفت لها قائلاً باستغراب :- ليه حياة مش هتروح الجامعة النهاردة !
اية وهي ترفع كتفيها وتخفضهما وبنبرة عادية اردفت :- مرهقة شوية وبتقول محتاجة تنام وشكلها مش وراها حاجة في الجامعة النهاردة .
جاسم بقلق :- طيب نجيب دكتور يشوفها لتكون تعبانة .
اية بابتسامة :- لا ياحبيبي متقلقش انا برضه قولتلها كدة بس هي مصممة انه ارهاق عادي وانا قولتلها لو حصل حاجة تكلمني .
جاسم بتنهيدة :- طيب تمام .
ثم وضع الهاتف علي اذنه وهو يقول باستعجال :- طيب يااسر انا هوصل اية الجامعة ولما اجي الادارة نتكلم ف الموضوع دة سلام .
ثم اغلق الهاتف بينما علي الطرف الاخر استمع اسر الي الحوار كاملاً وابتسم في داخله ابتسامة خبيثة و…
************************************************
في النادي :-
دلفت چيرمين وهي تتبختر في مشيتعا وتلفت الانظار بتلك الملابس التي تكشف اكثر مما تستر غافلة عن تلك الاعين التي تلتهمها بشراسة مخيفة وتراقبها منذ فترة طويلة وكأنها تنتظر الفرصة لتنقض علي فريستها لتلتهمها بتمهل وتلذذ بينما علي الطرف الاخر نجد رامي يسير خلفها وينادي عليها بصوت مسموع الي حداً ما بينما هي تجاهلته في البداية كالعادة ثم التفتت
اليه وهي تقول ببرود :- هاي يارامي خير !
وصل اليها وهو يبتسم قائلاً بحب :- صباح الخير ياچيرمين عاملة ايه النهاردة ؟
چيرمين بملل :- تمام كنت عاوز حاجة .
رامي بنظرات حانية ونبرة رجولية بحتة :- كنت عاوز اسلم عليكي قبل مااسافر .
چيرمين بفضول :- تسافر فين !
رامي بحب وفخر :- اصل انا مسكت شركة والدي من حوالي اسبوعين كدة وبأذن الله دي اول سفرية شغل اطلعها ادعيلي ان انجح فيها ياچيرمين عشان اقدر اثبت نفسي ف الشركة .
چيرمين بالامبالاة :- اها ربنا معاك .
رامي بحنو :- هتوحشيني .
تأففت بداخلها ولكنها ارادت ان تجامله فابتسمت له تلك الابتسامة المصطنعة وهي تقول :- وانت كمان خلي بالك من نفسك .
ثم التفتت لترحل فأمسك يدها بحنو وهو يقول بنظرات عاشقة حد النخاع :- خلي بالك انتي من نفسك عشان خاطري لحد ماارجع .
نظرت ليده الممسكة بيدها فأزالها علي الفور ولم ترد عليه بل التفتت راحلة بخطوات باردة كشخصيتها تماماً ولم تلتفت للخلف
ولو لمرة واحدة بينما ظل هو ينظر لها بحب يشوبه الحزن وهو يقول ف نفسه :- انا بغير من نفسي عشانك وهتغير اكتر عشانك برضه ربنا يجعلك من نصيبي .
وصلت چيرمين الي كافيتيريا النادي وجلست بعد ان طلبت مشروبها المفضل وبعد عدة دقائق وجدت من يسحب الكرسي