جاسم بأبتسامة مرحة : انا جاسم اكيد علي وراكي صورتي عشان تقدري تتعرفي عليا لتهز رأسها بالموافقة بصمت ..
جاسم وهو يهم بالسير : طب يلا بينا نرواح ع البيت لكمل بمرح ليزيح عنها توترها فهو قد استشعر خوفها : اية اختي مبطلتش زن علي دماغي عشان عايزة تشوفك من ساعت ماحكيتلها ان اختي واحد صاحبي هتعيش معانا وهي مصدقت ان ف عنصر نسائي تاني هيجي البيت 😁
لتبتسم ابتسامة صغيرة علي حديثه وقد بدأت تتناسي خوفها منه لتركب معه سيارته ويتجه بها نحو منزله هو واخته اية وهي تدعو الله ان يوفقها في حياتها وان لا تواجه عقبات ف حياتها الجديدة هنا …
************************************************
ف البلد :-
في منزل علوان المهدي وتحديدا في غرفة نومه هو وزوجته يرقد ف الفراش ويقف حوله اولاده وزوجته والطبيب ليتحدث الطبيب الطبيب موجهاً حديثه لهم ..
الطبيب بجدية : واضح ياجماعة ان دي بوادر ازمة قلبية بس الحمدالله احنا لحقنا الوضع لكن لو اتكررت تاني او اتعرض لاي ضغط
عصبي للاسف الازمة ممكن ترجعلوا ووقتها هيكون ف خطر كبير عليه .
لتشهق زوجته وتبكي خوفاً علي زوجها وابو اولادها ورفيق دربها همهما كانت صفاته او افعاله القاسية فهو يظل رفيق الدرب ليتحدث عبدالرحمن بجدية وبعض الحنان : اهدي ياامي ان شاءالله هيجوم بالسلامة .
لينسحب الطبيب مغادراً الغرفة بعد ان اعطاهم بعض التعليمات لتجنب تلك الازمة ..
صالح بنبرة صارمة : متجلجش يابوي هلاجيها لو تحت سابع ارض وهجتلها وارفعلك راسك تاني ف البلد .
علي وهو يتدخل ف الحديث : ايه اللي بتقوله دة ياصالح دي مهما كان اختك برضه واكيد مش هيهون عليك تقتلها ليكمل بنبرة ذات مغزي : اكيد ف سبب للي عملته دة .
ليهم صالح بقول شئ لاذع ولكن تقاطعه طرقات علي باب الغرفة ليأمر الطارق بالدخول لتدخل الخادمة وهي مطرقة برأسها وتتحدث بخفوت : كبير عيلة جبران ورجالة العيلة تحت عاوزين يشوفوا حضراتكم .
ليتبادلوا النظرات بينهم وبين بعضهم ليبدأ بالحديث علوان ..
علوان بتعب : صالح ياولدي .
ليلبي صالح نداء والده ويذهب له علي الفور صالح وهو يمسك يد والده ويقبلها اوامرك يابوي .
علوان بنبرة مجهدة : هنجول ايه للناس اللي تحت دلوك ياصالح .
ليصمت صالح عن الحديث وهو ينظر لابيه واخواته ويفكر ف حل لهذة الازمة ..
ليتحدث علي فجأة بنبرة حماسية لينتبه له الجميع وينظروا اليه وهو يقول بجدية وحماس : انا عندي حل ليصمت لبرهة ليتأكد من ان الجميع ينظرون له ومنتبهين ليكمل كلامه بجدية : احنا ممكن نقول ان العروسة وقعت ورجليها اتكسرت ومش هينفع تكمل الفرح وهو اصلاً لسة مكتبش عليها يعني مش هيقولوا نشوفها ونطمن عليها هو حل مؤقت بس هيدينا شوية وقت
زيادة لحد مانفكر هنعمل ايه .
ليصمت الجميع ينظروا اليه بتمعن وتفكير ليتحدث عبدالرحمن بجدية : واني كمان مع علي ف الحل دة اهو هيبجا عندينا شوية وقت زيادة ولا ايه رأيك يابوي .
علوان وهو يومئ برأسه : موافج .
صالح بجدية : طب يلا بينا عاد ننزل للخلج اللي مستنيانا تحت ديه .
لينزل الجميع الي اسفل ليجدوا جبران وولديه ينظرونهم ليبدأ صالح بالحديث :-
صالح بنبرة مرحبة : يامرحب بالحاج جبران ثم ينظر لولديه وهم عبدالله وسليم ..
*****تعريف*****
عبدالله : هو شاب ف الثلاثون من عمره ذو طباع صارمة وكلمة مسموعة وهيبة وهو <>
سليم : اخو عبدالله واكبر منه سناً وحنونا ويمتلك قدر من الوسامة متزوج من ابنه عمه ويعشقها وانجب منها طفلان وطباعه تختلف عن ابيه واخيه لا يميل للقسوة والعنف .
وبعد القاء السلام والترحيب يتحدث جبران بنبرة جامدة : خبر ايه ياصالح اما فين الحاج علوان ووجفتوا الفرح ليه مالهع العروسة
.
صالح بنبرة جامدة ايضاً بالرغم من التوتر الذي بداخله : ابوي تعب شوي وجيبنالو ضاكتور وجال ان لازملوا شوية راحة .
والعروسة موجودة بس لما عرفت اللي حصل لابوي كانت نازلة ع السلم بتجري ووجعت ورجليها اتكسرت ثم يصمت برهة
ويكمل كلامه وهو يتفحصهم ليري ردة فعلهم : عشان إكده احنا هنأجل الفرح شوية لحد ماابوي والعروسة يجوموا بالسلامة .
ليتحدث عبدالله بضيق بعض الشئ : كيف يعني اللي حوصل ديه وبعدين فيها ايه لما نكملوا الفرح .
عبدالرحمن بجدية وبعض الضيق : كيف يعني بتنا تطلع من بيت ابوها إكده .