ف منزل جاسم :-
ف صباح يوم جديد اشرقت اشعة الشمس علي ابطالنا ف استيقظت الفتيات للاستعداد لتجهيز انفسهم من اجل اول يوم في العام الدراسي الجديد ،،
علي طاولة الافطار جلست كلاً من اية وحياة بجانب بعضهم بينما يترأس الطاولة جاسم ليبدأ الحديث بابتسامة قائلاً :- النهاردة اول يوم ف السنة الجديدة عايزكم تشدوا حيلكم ونطلع بتقديرات السنادي .
ابتسمت حياة بينمت ردت اية بمرح :- بس التقديرات دي ليها تمن يازميلي احنا مش هننجح ببلاش .
جاسم بمزاح :- زميلك ! يابنتي انتي حتت طالبة ف كلية السن اما انا ظابط ليا وضعي احترميني شوية .
اية بسخرية :- ليه محسسني اني هطلع من السن اشتغل رقاصة مثلاً .
جاسم بمزاح :- اشطا وانا هاجي الم النقطة وبعدها اقتلك واغسل عاري بأيدي .
حياة متدخلة ف الحوار بمزاح :- صلوا ع النبي ياجماعة دة شيطان ودخل بينكم .
ضحكوا ع حديث حياة ثم تحدث جاسم قائلاً :- يلا عشان اوصلكم وبلغوني جدول محاضراتكم عشان اعرف بتخلصوا امتا واجيلكم قبلها .
اية بحنان :- جاسم ياحبيبي انت هتبقا ف شغلك متتعبش نفسك واحنا هنرجع .
حياة وهي تؤيدها :- ايوة اية معاها حق ملهاش لازمة تتعب نفسك كدة معانا .
جاسم بجدية :- بطلوا هبل انتو الاتنين وبعدين تعب ايه دة مش احسن ماتوقفوا تستنوا تاكسي يعبركم وانتو مخلصين محاضرات متأخر ولا حاجة .
اية بمرح :- خلاص يابيبي متزعلش احنا غلطانين اننا عايزين راحتك الساعة 4 الاقيك قدام الجامعة .
جاسم :- ماشي ياختي قدامي انتي وهيا .
ترجلوا جميعاً خارج المنزل واستقلوا سيارة جاسم الي الجامعة ،،،،،
امام البوابة الرئيسية لجامعة القاهرة وصل جاسم والفتيات وقام بتوديعهم مع تأكيده عليهم انه سيأتي عند الرابعة لاخذهم الي البيت وفور ان رأهم يدلفون الس داخل البوابة الجامعية تحرك بسيارته ليرحل ف ذلك الوقت اتت له مكالمة هاتفية وبينما
هو ينظر علي اسم المتصل يستمع الي صوت صريخ لينظر امامه ليجد نفسه علي وشك ان يصطدم بأحدهم بالسيارة توقف ف اللحظة الاخيرة وترجل من السيارة سريعاً وهو يحاول ان يستوعب مايحدث حوله ليجد فتاة تجلس علي الارض وهي تحاول ان تلملم اشيائها وتتمتم بكلمات غير مفهومة ويبدو عليها العصبية والغضب حاول ان يجعلها تلتفت له حتي يطمئن ماذا اصابها فتنحنح قائلا :- احم ،، انتي كويسة ياانسة ؟!
وبمجرد ان انهي جملته واذ ببركان من الغضب ينفجر بوجه لتلتفت له تلك القصيرة ذات الشعر البني القصير والبشرة البيضاء وهي تقول بعصبية :- ولما انت مش عارف تسوق عربية بتركبها ليه هاا !!
صدم جاسم من هذا الهجوم المفاجئ فهو توقع ان يجدها تبكي او فزعة مما حدث ولكنه لم يتوقع ان تهاجمه بتلك الطريقة حاول جاسم ان يجلي حنجرته ليستطيع الرد عليها ولكنها لم تعطيه الفرصة وهي تتابع كلامها بنفس العصبية قائلة :- طبعا
ماانت لابسلي بدلة ميري وظابط هتعمل حساب للناس ليه هتدوس عليهم وتعدي عادي كدة .
جاسم وهو مصدوم من كلامها :- بس بس بس في ايه بكبورت واتفتح ف وش ع الصبح !
ندي بغيظ :- هو انت غلطان وكمان بتبجح دة انت شخص قليل الذوق صح .
جاسم وهو يحاول التحكم بأعصابه :- قليل الذوق !! هو انتي مدياني فرصة حتي اعتذر هو انا لحقت اعمل حاجة ابلعي ريقك
يابنتي .
ندي بأنفعال :- ايه ابلعي ريقك دي كلمة كمان وهزعلك انا بقولك اهو .
جاسم بصدمة فهي حقاً تبهره بردها :- تزعليني !! طب دة انتي حتي مش هقولك خافي من البدلة واني ظابط وكدة طب خافي من فرق الطول اللي بينا حتي .
نظرت له ندي باستخفاف وهي تقول :- مش بالطول ياعم القمور .
جاسم وهو يحاول ان يتصنع المرح :- قمور لا دة انتي بتعاكسي بقا .
ندي بنفس الاستخفاف :- اعاكسك انت علي ايه يابني !
جاسم بغيظ :- انتي تطولي يابت .
ندي ببرود :- لا ياخوية مطولش فعلا لاني مليش ف الراجل الملون ثم اشارت له بيدها وهي تهم بالسير وسع بقا عديني كدة .
ظل ينظر لها حتي اختفت من امام انظاره ففرك رأسة بحيرة قائلا :- قصدها ايه راجل ملون دي !! هيا مالها البنات بقت عنيفة كدة ليه امال فين الرقة والانوثة .
ثم تذكر شعرها القصير الثائر حول وجهها من الغضب وطريقة حديثها وارتسمت ابتسامة جميلة علي وجهه وهو يقول :- بس عسل بنت المجنونة .
ثم توجه ناحية سيارته وبمجرد ان دخل السيارة استمع لصوت هاتفه وهو مازال يدق فوجد اسر المتصل فقام بالرد عليه قائلاً :- ايوة يااسر .
آسر :- ايه يابني بتصل بيك بقالي شوية مش بترود ليه !
جاسم وهو يشغل محرك السيارة :- معلش كنت في مشوار ومعرفتش ارود .
آسر باستفهام :- مشوار ايه دة اللي ع الصبح بدري كدة !