اللواء زكريا بتفكير :- معاكم حق ف النقطة دي بس لازم ناخد بالنا ان طالما مختفي كدة يبقا حاجة من الاتنين .
آسر مكملاً :- قصد سعادتك انه يأما بيرتب لمصيبة جديدة يعملها ف البلد عشان يشغل الحكومة بيها لحد مايخلص العملية يأما هيفضل مختفي ويظهر قبل العملية بالظبط وبعدها يختفي تاني .
اللواء زكريا :- بالظبط كدة عشان كدة عاوز الفترة الجاية تحريات مكثفة علي اعلي مستوي عابدين لازم يوقع ف ايدنا المرة دي .
آسر بصرامة شديدة :- هيوقع يافندم متقلقش .
اللواء زكريا :- طبعا انتو من اكفأ الظباط ف الداخلية الوزارة اختارتكم بالاسم عشان العملية دي ربنا يوفقكم ياشباب .
لينتهي الاجتماع بعد ان قاموا ببعض الترتيبات مع باقي القيادات وكل هذا في سرية تامة ف عابدين هذا له جواسيسه في كل مكان ويجب عليهم ان يحذروا منه …
************************************************
ف منزل جاسم :-
تجلس الفتيات يشاهدون احدي الافلام في التلفاز وكان هناك مشهد رومانسي بين البطل والبطلة لتنظر اية الي هذا المشهد وهي تقول بهيام :- هييييح شايفة الرومانسية هيييح شايفة .
لتنظر لها حياة بطرف عينيها قائلة :- رومانسية ايه يابنتي دة تمثيل .
اية وهي مازالت في حالة هيامها :- طب ماهو التمثيل دة بيبقا من الواقع دة اللي بيحصل ف الواقع يايويو .
لتنظر لها حياة مرة اخري قائلة :- لا ياحبي الواقع غير كدة بكتير شايفة شعرها دة اللي بيطبطب عليه عارفة لو بعد الجواز صحي ملقاش شرباته مغسولة عليا النعمة ليقصهولها .
اية بحنق وقد فاقت من الحالة الحالمة التي كانت عليها :- خلاص ياحياة خلاص فصلتيني عبوشكلك .
حياة بمزاح :- يابنتي دة انا بفوقك بدل ماتصدمي بعد كدة واحلامك تتحطم ع صخرة الواقع .
اية بغيظ :- روحي ياحياة يابنت ام حياة الهي ربنا يرزقك بواحد متخرج من معهد صرف صحي قسم بلاعات ياشيخة .
حياة ببرود :- بلاعات بلاعات حد لاقي وان شاءالله انتي كمان تاخدي صاحبه.
اية وقد عادت لحالة الهيام التي كانت عليها منذ قليل :- دة انا هتجوز واحد كدة طول بعرض بارتفاع ويبقا مز ممزمز ف نفسه
كدة ويقولي صباح الخير ياحياتي ابوسه من خده واقوله صباح الخير ياقلبي يديني بالمخدة ف وشي احدفه انا بالفاظة ف نفوخه اقوله تعالي نرمي كياس مياة ع الناس ف الشارع من البلكونة يقولي يلا ويملي معايا الكياس وهيييح بقااا ،، 😊
حياة وهي تنظر خلف اية برعب :- جاسم دي بتهزر والله .
لتشهق اية برعب وهي تلتفت قائلة :- جاسم دة هزار و….
لم تجد احد خلفها ف نظرت الي حياة الضاحكة نظرة شريرة واقتربت منها قائلة :- بقا انتي بتشتغليني هاا طيب قابلي بقا .
لتنقض عليها ويبدأ الضحك والصراخ وفي وسط ضحكاتهم يرن جرس الباب فتقول حياة اوعي اما افتح الباب ودل اكيد السكان هيطردونا والله .
ركضت حياة ركضاً لكي تفتح الباب وهي تبتسم ابتسامة جميلة وعندما قامت بفتحه بدأت تتلاشي ابتسامتها شيئاً ف شيئاً عندما وجدت امامها مالاتتوقعه ……
************************************************
في احدي الدول الاجنبية بأحد المصانع المهجورة التي يتم بها الاعمال الغير مشروعة بعيداً عن اعين الناس والشرطة تتقدم سيارة من نوع النقل المحملة بالبضائع لتتوقف امام بوابة المصنع الرئيسية ويتقدم احد الرجال المكلفين بحماية المكان من سائق السيارة ليتبادلوا الحديث ثم يسمح بقائد السيارة بالمرور من البوابة تدخل السيارة وتسير في طريق طويل غير ممهد
ثم تنحرف عن الطريق لتصبح امام البوابة الخلفية للمصنع ويترجل قائد السيارة منها ثم وقف ينتظر الي ان اتي اليه مجموعة من الرجال ذو الملابس السوداء والبنية الضخمة ف تبادلوا الحديث وبدأوا في فتح صندوق السيارة لتظهر عدة صناديق خشبية متوسطة الحجم ويبدأ الرجال بحمل الصناديق واخراجها وفي وسط غمرة انشغالهم يستمعوا الي صوت احد قادم لينظر الرجال الي بعضهم البعض ثم وجدوا اماهم رجلان مألوفين الهيئة بالنسبة لهم ويبدأ احدهم بالحديث .. ” الكلام بينهم هيبقا
بالانجلش وانا هكتبه لغة عربية فصحي كترجمة ”
رجل 1 لاحد الرجال الواقفين امامه :- هل البضاعة سليمة ؟!
رجل :- اجل سيدي كل شئ علي مايرام .
رجل 1 :- حسناً استمروا بنقل البضاعة الي الداخل ولكن اسرعوا ف ليس لدينا وقت .