كانت كوثر قاعده فى القصر وصفيه بتحطلها شاى الى طلبته لحد اما بصت واتصدمت لما لقيت يحي داخل القصر وهو شايل روح
بصله الكل بصدمه وبحلقو فيه وروح الى كانت مغمى عليها وموديها اوضتها
كانت صفيه متنجه فالشاى على الارض
قال كوثر – صفيه مش تحسبى
اتخضت قالت – انا اسفه يا مدام اصلك مش قاله الى شيفاه
قالت بغضب – بتقولى اى
– لا والله مقصدش بس يحي بيه
– هو يحي جيه
– ايوه هو وروح شايلها وموديها على اوضتها
اتصدمت كوثر من الى سمعته استأذنت صفيه انها تمشي فسمحتلها
حط يحي روح على السرير وبعد عنها دخلت صفيه بصت لروح بقلق فهى بنت صديقتها وتعتبرها كأبنتها
قال يحي – علجو ايدها
بصتله صفيه لقيته بيمشي استغربت بصت على ايد روح واتخضت من المنظر
– يعينى يا بنتى تلاقى بسبب امبارح
راحت وجبتلها مرهم وحطتهولها على ايدها
فى الحمام كان يحيي بياخد شاور وعقله شارد بيفتكر كلام روح لى وعياطها ورجائها انه يسيبها ازاى انهارت واغم عليها وهى بتتكلم
– لما قولتلك مكنتش قصد .. فدى مكنتش بكدب عليكى انا فعلا وديتك الكشف مش عشانى خوفى انك تبقى حامل .. ده عشانك انتى لبعدين .. كنت عايز اطمن … معرفش ان ده هيحصلك لما تروحى وهتيعطى بشكل ده … معرفش لى ببرر لنفسي متضايق من الى قولتيه رغم انى عارف انه صح
اتنهد بالامبلاه مسك وشه ورجع شعره لورا
فتحت روح عينها لقيت حد قاعد جنبها ابتسمت لما شافتها نوال بس انا الرؤيه اتوضحت لقتها صفيه
– خير انك فوقتى قلقت عليك
اعتدلت روح وبصت حوليها قالت
– انا جيت هنا ازاى
– يحي بيه هو إلى جابك وقالى ان اقولك متتعبيش نفسك لحد اما تبقى كويسه وايدك ترجع زى ما كانت
ابتسمت بسخريه قالت – هو قال كده ولا بتجودى
– اخص عليكى يا روح قصدك انى كدابه
– معلش والله مقصدش ازعلك بس
– عارفه طبيعى متصدقيش انا بردو استغربت الى قاله ازاى امبارح كان عاوزك تشتغلى اليوم كله وانهارده يسيبك ترتاحى … معلش يا روح استحملى يحي بيه تحسيه عنده انقسام فى الشخصيه شخص بارد بس فى حابه طيبه وشخص اعوذ بالله ربنا ما يخليكى تشوفيه
سخرت روح داخلها فهى رأت الاخر وليس الاول بل لا تظنه ان لديه حانب طيب البتا
قالت روح – مش عايزه اشوف ولا واحد فيهم
– اى الى جابك هنا يا روح وهو بيعاملك كده لى انا مشفتش عامل حد كده قبل كده
– الى جابنى انى عليا ١٠٠ الف ولازم اسدهم ليه
مردتش على السؤال التانى بصت على ايدها لقتها ملفوفه بشال وقفت
قالت صفيه – راحه فين
مسكت روح كتبها وقعدت قالت صفيه
– انتى هتذاكرى وده وقته يا بنتى انتى تعبانه ارتاحى
– معرفش بكره هيحصل اى او بعد شويه ممكن ينسي الى قاله ويرجع يسألنى فالأولى بالساعات دى أنى اذاكر فيهم
– زى ما تحبى