عيطت بحزن حضنها وهو بيتألم من كلمتها
– بس يا روح متحمليش نفس ذنب ده قدر
– ملحقتش أشبع منها .. ماتت وهى زعلانه منى ماتت وهى بعيد عنى .. سبتنى ومشيت
– كانت بتحبك اوى .. وصتنى عليكى ومكنتش زعلانه منك زى ما انتى فاكره هى هتزعل بجد لو شافت حالتك دى .. كفايه ارجوكى
بعدها عنه بصتله وقالت – كنت بتشوفها صح .. قولى قالتلك اى
سكتت يحي مسكت أيده برجاء وهى بتقول
– ارجوك يا يحي قولى كلامها قبل أما تسيبنى
– كانت خايفه عليكى منى طلبت أنها تشوفنى وقتها استغربت أنا كنت بتواصل مع والدك بس هى كانت لسا مصممه على أنى شخص زباله ومش ناسيه إلى عملته
F
دخل يحي الاوضه قعد وقال
– طلبتي تشوفينى
بصتله اتعدلت فى جلستها ومكنش حد معاهم فى الاوضه حتى عماد طلبت منه أن يتركها معه لتحدثه على انفراد
– انا وانت عارفين بعض كويس قولى يا يحي مفيش حد غيرنا سبب جوازك من روح ايه .. ارجوك متعملش فيها حاجه اكتر من كده انت متعرفش عانت بسببك ازاى
حزن يحي وهو بيفتكرها قال – عارف
فهو رآها تنوى قتل نفسها بكائها صلاتها دعائا عليه قفل الباب عليها ارتعابها منه شحوبها وقله روحها كانت كالجثه التى لا تهب الحياه فيها
– ولما انت عارف ليه لسا مخليها معاك .. طلقها خد إلى انت عايزه بس طلقها بلاش تأذيها
– جيبانى هنا عشان تطلبى منى انى أطلقها .. أنا عمرى ما افكر أأذى روح .. أنا بحبها والله ومش عايزها تبعد عنى .. روح الحاجه الحلوه فى حياتى .. أنا حاولت على قد ما اقدر اصلح غلطتى وارجعها من تانى وأنها تسامحنى وتحبنى ولسا لحد دلوقتى بحاول وميأستش ولا هيأس .. ممكن متصدقنيش بس حبى لروح كبير .. أنا حبتها منغير ما اقصد وعايش عشان اخد السماح منها
– مصدقاك
رفع وشه وبصلها لتردف
– شايفه تغييرك وندمك وحبك ليها فى عينك .. إلى خلانى اجيبك عماد لما قالى على إلى كنت بتعمله عشانها وانك مسبتهاش ودايما كنت معاها وهو شاف اهتمامك لما كان بيتابعها وإلى أكدلى
دمعت عينها وابتسمت وقالت – لما شوفتها مكنتش زى اخر مره شوفتها فيها .. كسبت وزنها شكلها رجع زى ما كان .. كنت بسأل أنا غيبت قد اى بس حمدت