-جتلى الفرصه انى اخدك ومخدتكيش عارفه ليه .. عشان بحبك افهمى بقا
بصتله بصدمه من ما قاله
– كفايه كلامك ده بيوجعنى .. لدجه دى بتكرهينى ومش عيزانى .. امبارح ضعفت بس برغم ضعفى اتحكمت فيه عشانك ومكررتش غلطى للمره التانيه عشان
مبقتش غبى وعملت حساب للحظه زى دى ومخسركيش
اتصدمت وقالت – يعنى اى
– يعنى مفيش اى حاجه حصلت مبينا .. تقدرى ترتاحى انا مردتش اقرب منك وانتى مش فى وعيك عشان يوم اما يحصل حاجه زى دى تكون بموافقتك .. لسا
عند وعدى ليكى … انا مش زباله ياروح .. سمعتى انا مش زباله ومستغلتكيش .. هتفضلى لحد امتا توجعينى بكلامك ده انا زهقت .. لى شيفانى جبروت لدرجادى بسبب الى بظهرو ليكى … انا انسان .. إنسان والله وبحس زي زيك
اردف بصوت ضعيف منهك – انا اسف عشان انا إنسان
حس فى الوقت ده بالم فى راسه راح وقعد على الكنبه وهو بيحط دماغه بين ايديه بضيق وحزن
اما روح كانت تطالعه بصمت فلقد المها قلبها من كلامها قربت منه مسكت ايده بصلها ورفع وشه
– انا اسفه يا يحي .. مقصدتش اسببلك الوجع ده .. عشان عارفه قد اى هو بيوجع .. بس افعالى بتاخدنى ومكنتش اعرف ان بكلامى بكون بوجعك زى ما
وجعتنى
حس بضيق لأنها هتفكره لقاها بتكمل
– برغم كده متمنتش الوجع ده ليك ولا انك تحسه .، وفنفس الوقت مكنتش اعرف انى بمارسه عليك منغير ما اخد بالى .. بس ياريت تقدر الى انا فيه .. ادينى
وقتى .. الخوف مبيميش مره واحده والثقه صعب انك تاخدها .. لمجرد ما صحيت افتكرت
اتحمعت دموعها وكملت – افتكرت اليوم ده واترعبت من الفكره .. ياريت تحس بيا وانه مش بأيدي
– سامحينى يا روح
بصلها ليردف وهو ينظر فى عيناها
– سامحينى عشان تنسي اليوم ده الى انا كمان عايز انساه والله نادم على الى عملته وبلعن نفسي كل يوم على الى سببته ليكى .. حبى ليكى بيخلينى اكره نفسي اكتر من كرهى بانى اذيتك .. سامحينى ارجوكى
– موعدكش بس هحاول والله
مسك ايدها بحنان وقال – محاولتك عندى بدنيا
استغربت انه اصبح من يواسيها ونسي حزنه
– غيرينى يا روح .. موافق انى اتغير عشانك واكون شخص تانى .. غيرينى انا محتاج التغير ده .. بس ترجعيلى .. ادينى فرصه اصلح غلطى .. فرصه واحد يرجع كل حاجه زى ما كانت بعيدا عن كل ده .. عايز اتوب وابعد عن كل المعاصى الى عملتها بس مش قادر .. عارف انه مش هيقبل توبه واحد زى بس عشانك هسعى نفتح صفحه جديده مفيهاش غيرى انا وانتى .. صفحه اكتبيها انتى زى ما تحبى .. واكتبى يحي بنادم جديد
– هتتغير يا يحي .. ارجع لربنا مفيش حاجه اسمها مش هيقبل ده الشيطان الى بيصورك ده
بصلها وكأنه تايه حيران مش عارف يعمل
– باب التوبة مفتوح دايما بس انت روحله صدقنى هتستريح .. خير الخطائين التوابون .. الانسان دايما بيقل فى المعاصر والذنوب ودى حاجه مبنسلمش منها
كلما بنغلط بس المشكله والمصيبة الأكبر انك تستمر فى الغلط وانكسر على المعصيه .. ان الله يغفر الذنوب جميعا ولا يرد يد عبده خائبا
– تفتكرى
– الكلام ده مش من عندى .. متسمعش لنفسك الى بتصورلك الضعف البدنى والنفسي .. اسمع لقلبك هو إلى هيحركك ويديك امل
– هتكونى معايا
بصتله روح شويه وهى شايفه فى عينه لامعه كبريق امل لم تجدها قبل لطالما كان عيناه منطفأتان
اومأت له ايجابا ببسمه خفيه فسحبا من ايدها الى ماسكها منها وحضنها اتصدمت روح من قربهما
– شكرا
همس لها بلهجه حانبه فدق قلبها لسماعه ومشاعرها تحيط بها ، رفعت زراعيها بتردد ثم بادلته العناق وهى تشعر برغبه لها فى ذلك
وقعت عيناها على ظهره والعلامات التى عليه واحزنها رؤيتها سعد يحي حين بادلته العناق لكن حس بأناملها تسير على ظهره وبتتلمسه استغرب لكنه يضعف
من هذا وأفعال تلك الصغيره
كانت روح بتلمس الندبات الى على ضهره وبتستشعرها وكانها ترى مدى المها
– بتوجعك
قالتها بتساءل استغرب يحي من قصدها وعرف ماذا تفعل .. مردش عليها وبعد عنها بصتله روح بصت لشعره المبتل
وقفت جابت الفوطه وقعدت تانى لتنشفه له وهى بتقول
– هتاخد برد لو فضلت كده كتير … قوم البس