قالت روح – بس انا بردو جوازى منه مش حقيقى هى ساعدتني فى تكاليف عمليه بتاعت ماما عشان كده انا هنا انهارده
– كنت حاسه ان فى فى ان ورا الموضوع بس كوثر المرادى وقعت فى شر اعمالها
مفهمتش إلى قالتها لقتها مسكت ايدها وكملت
– عشان من اول ما شوفتك يا روح وانا حبيتك ومتخيلتش انك تكونى مرات يحي وجودك معاه هيفرق كتير وعارفه انك الاختيار الصح وانك الى هتغيريه
بصت روح لإيدها بعدين بصتلها وقالت بجمود
– بالعكس انا الاختيار الغلط
استغربت زينب من نبرتها كملت
– رغم إلى عملته ساندى معايا بس شوفت حبها ليه … وكانت هى الى تقدر زى ما نتى بتقولى انها بتحبه فمش هتخلى حد يأذيه مش انا
أردفت ببرود
– عشان انا بتمنى الاذي ليحي
اتصدمت زينب وبعدت ايدها عنها لان من نبرتها كانت جديه بشده بصت روح لفعلتها لم تهتم وقالت ببساطه
– لو كانت قالتلى انها عايزه تأذيه مكنتش اترددت لحظه بانى اوافق على الجوازه دى بالعكس كنت هساعدها
اضافت بقله حيله – بس للأسف هى مقالتليش
قالت زينب وهى مذهوله
– انتى بتقولى ايه ؟
ردت عليها بغير اهتمام ووجها خالى من التعبيرات
– ممكن تكونى مصدومه من الى بقوله بس انتى متعرفيش انا حصلى اى عشان تحكمى عليا .. يحي اكتر شخص بكره فى حياتى .. حياتى إلى دمرها
سكتت شويه وهى بتكمل بإستدراك
– دلوقتى فهمت سبب انها تجيلى فى الاول وتعرض عليا انى اتجوزه .. عشان عارف انى بكرهه ولما شوفه بيتأذى هعقد اتفرج مش هتقدم خطوه بأنى اساعده … هى كل الى عملته انها بعدت ساندى من طريقها لما اكتشفت انها ممكن تبوظلها كل حاجه .. وحطتنى انا بدالها الى ممكن اساعدها … لعبتها صح
قالت بحزن وخيبه – لى كده يا روح انا حبيتك لى تكونى شبها .. لى ؟
– هى عايزه فلوس انا مش عيزاها .. مفيش شبه مبينا غير الضغينه الى بحملها وهى الكره
وقفت روح ومشيت وسأبتها فى صدمتها
– عملك اى عشان تكرهيه
وقفت ومتقدمتش سمعتها وهى بتكمل
– انا شوفت فى عين يحي نظره الحب ليكى
ارتسمت ابتسامه على وجهها ساخره قالت
– حب
– ايوه خوفه عليكى وقلقه انتى مشفتيش ده عشان كنتى نايمه .. افتكرى ان هو الى انقذك يومها من المقبره افتكرى مرواحه عشانك فى ساعه زى دى ،.، انتى مشفتيش اهتمامه بيكى بس انا شوفته وهو مش عارف ينام وبيروح يطمن عليكى من وقت لتانى
– انقذنى من أى .. من الموت .. أنا ميته خلقه … بعدين طبيعى يعمل كده منا من غبائى حطيت نفسي فى الخطر عشانه .، لو كنت اعرف انك خلتينى اروح هناك وادور على الوصيه دى عشانه هو مكنتش عملتها ولا كلفت نفسي تعب مشوار واحد حتى لهناك
– لى كل ده .. بلاش تعملى كده يا روح حتى لو كنتى بتكرهيه ده دلوقتى جوزك يعنى فى صله مبينكم ايا كان
– مش هيحصل عمرى مهعتبره كده
بصتلها وهى شيفاها ضيقها على ملامح وشها
– عايزه تعرفى عملى ايه