غيث وهو بيجري عليها : غفران فوقي عشان خاطري مفيش حاجة بينا صدقيني
حس ان نفسها مش منتظم
غيث : خدي الملف دا يا هند و يلا نروح أقرب مستشفى حملها بلهفة و خوف و وضعها في العربية
تاليا بخبث : كدا اول الخطة استنى عليا يا غيث انت اللي لعبت مع تاليا يبقى تتحمل نتائج لعبتك دي ثم أكملت بكر”ه غفران
دخلت دمر’ت كل حاجة بينا بوظت حياتي لازم اخليك تشوفها و هي بتفارق الحياة
**************************
في المستشفى ..
غيث : دكتور هي غفران مالها لوسمحت
الدكتور : المدام اتعرضت لحاجة صدمتها و لأنها مريضة نفس مقدرتش تسيطر على أعصابها و طبعا الضغوطات دي غلط عليها
غيث بحزن : ماشي يا دكتور طايب هي ممكن تروح انهاردة
الدكتور : للأسف لا يا غيث باشا المدام هتفضل معانا يومين بحيث نباشر حالتها
غيث : طايب ممكن ادخل ليها
الدكتور : أيوة طبعا اتفضل بعد اذنك انا
دخل غيث و هند ل غفران اللي بتبص ليه بحزن و مش بتنطق اي كلمة حتى دموعها اتحبست
غيث : غفران عشان خاطري ممكن بس تسمعيني انتي والله فاهمة غلط
غفران بإرهاق : انا مش حابة اسمع حاجة و سبوني ارتاح شوية بعد إذنكم
غيث : لا انتي لازم تسمعي و تفهمي اللي حصل و تقدري اللي انا فيه
غفران : و دا ليه ليه انا اللي اتحمل و اسمع هاااا ليه مش انت اللي تراعي كل دا
غيث : أنا مراعي كل دا و فعلا محصلش حاجة كل اللي حصل ان تاليا عرفت اني حبست اخوها و هي كانت سرقت ورق صفقة مهم جدا اللي مع هند دلوقتي و كل دا كان بهدف تد”مير كل حاجة عملناها الفترة اللي فاتت و المرة دي قدرت تساومني على الملف دا بإني اطلع اخوها و يختفوا تماما عشان أخد الملف دا كل اللي حصل
غفران بشك : طايب ليه قالت ليك كدا
غيث : أنا والله مش عارف بس اكيد شافتك و انتي جاية من ضهري لكن دا والله كل اللي حصل انا محبتش غيرك يا غفران
غفران بدموع : انا قلبي اتقبض و خوفت اخسرك المرة دي تماما
غيث : أنا اللي مقدرش على بعدك دا يا غفران
هند : أحم أحم … نحن هنا
غيث : طايب اللي مش فاهمه انتم ازاي عرفتوا اني عند تاليا
هند : الخدامة قالت انك عرفتها انها تعرف غفران انك في بيت تاليا و انك هتتأخر
غيث : يا بنت ال…. اكيد متفقة معاها عشان تشتت انتباهي و تبوظ علاقتنا من تاني المرة دي اللعب بقى على المكشوف بس خلاص جبت اخري من وجودهم
غفران : غيث عشان خاطري بلاش تعمل حاجة كفاية أذ”يتهم لحد كدا
غيث : متخافيش يا غفران المهم انا هنزل اجيب ليكي أكل و انتي يا هند الملف دا يروح ل مصطفى انهاردة ضروري عشان كل حاجة تتم في وقتها مش عاوز اي غلطة
هند : حاضر متقلقش انا هروح الشركة دلوقتي و انت هات اكل ل غفران و خليك معاها و متخافش كل حاجة هتمشي مظبوط
****************************
عند تاليا …
زياد بتو”جع : ااه مش قادر
تاليا : أحمد ربنا ان عصام قدر يعرف مكانك لانه الوحيد اللي عارف كل أماكن غيث
زياد : والله مش هسيبه يتهنى
عصام : لا اهدى كدا وكل حاجة هتم انهاردة اللي عرفته ان غفران في المستشفى
تاليا : أيوة بس انت ازاى عرفت
عصام : لأني حطيتهم تحت المراقبة لحد م اللي هقولكم عليه يتم
زياد : اي اللي بيدور في دماغك من الاخر
عصام : هقولكم بس انا كدا كدا أديت إشارة ان كله يتم كمان كام ساعة …
زياد : لو اللي هتعمله هيجي على اللي انا عاوزه مش هيحصل طايب
عصام : متقلقش هتاخد امضاء غفران على تنازل الأملاك و انا هاخد غفران اما غيث كدا يعتبر ساعتها اتد”مر
زياد بخبث : حلو دا و ألم دي بقى اقدر اخد حقي القديم و اخد اللي انا عاوزه
*************************
وصل غيث المستشفى و دخل بالأكل لكنه اتفاجئ بعدم وجود غفران و الممرضة مغشي عليها بجانب السرير ..
غيث بجنون و هو بينادي على الدكتور : فين مدام غفران و مين اللي كدا في الاوضة
الدكتور بخوف : و هو بينادي على الأمن
الأمن : مفيش حد دخل يا بيه انا هنا اللي دخل الممرضة و حضرتك و خرجوا علطول
الدكتور : انا مدخلتش عند المدام
غيث بعصبية : معنى كدا اللي دخل مش الدكتور و غفران اتخطفت مش هرحمكم لو حصل ليها حاجة ولسه هيطلع لكن لقى تحت رجله ورقة ملطخة ببعض من الد”ماء نصها
” أهلا أهلا غيث بيه طبعا انت فاكر اني مش هقدر اطلع بس انت غبي اوي و المرة دي اللي عندي هي مراتك و صحيح الد”م دا جر”ح بسيط لو مجتش لوحدك في العنوان دا *** عاوزك تنسى المدام تماما … لوحدك !! ”
غيث بخوف و هو بيتصل على مصطفى يحكي له اللي حصل