صفاء باستسلام : حاضر يا جدو وبعدين قالت : جدو ينفع اطلب منك طلب
جدها : أكيد يا حبيبه جدو اومري
صفاء : ممكن بعد فرح الشباب أسافر أي حتة
جدها : ليه يا صفاء مش عايزه تقعدي معانا خلاص أنا قربت أوصل لأبوكي عايزينك تقعدي معانا ونبقي كلنا مبسوطين
صفاء : معلش يا جدو كده هبقي مرتاحه ريحني بس
جدها : حاضر يا حبيبتي اللي انتي عايزاه
صفاء ابتسمت : تسلم يا جدو
جدها ابتسم وباس دماغها : انتي تأمرى يا حبيبه قلب جدك
يلا ساعه وفاطمه هتنزل تجيب بقيت حاجتها تكوني جاهزة
ماشي
صفاء هزت راسها : حاضر يا جدو
جدها ابتسم وقام خرج برة الاوضه
عند جاسر كان بيلبس البدله إللي هيحضر بيها فرح بدر
خلص لبس ورش برفانه وسرح شعره وكان شكله وسيم جدا
نزل تحت قابله سامي
سامي باعجاب: اش اش اش ايه الجمدان ده يا باشا
جاسر ابتسم : حبيبي تسلم
سامي : حبيبي رايح علي فين كده
جاسر : رايح فرح بدر صاحبي ما تيجي معايا
سامي : لا ياعم روح انت واتبسط انا رايح مع فاطمه نجيب الفستان
جاسر : دلوقتي ده لسه بدري على الفرح
سامي : ايوه هنجيبه دلوقتي شراء علشان في تجهيزات عابزه تتعمل وكده
جاسر بتفهم : آه ماشي ربنا يتتملك ليكو بخير يا حبيبي
سامي ابتسم : حبيبي يا جاسر عقبالك
جاسر مره واحدة عقله جاب جني ابتسم من غير ما يحس
مش فاق غير علي صوت سامي
جاسر : ها نعم
سامي : نعم إيه سرحان في إيه
جاسر بهروب : ولا حاجه يلا انا مش بقي علشان متاخرش
سامي : ماشي جاسر مشي بسرعة
سامي بيبص عليه وهو ماشي : فيك حاجه غريبه يا جاسر
شكله حب جديد ولا اية يارب يريح قلبك وبالك يا حبيبي
جاسر وصل الفرح ودخل لاقي بدر قاعد علي الكوشه هو ومراته
راح عليه وبدر لما شافه قام
جاسر بأبتسامه : الف مبروك يا صاحبي ربنا يتمملك بخير و عقبال الذريه الصالحه يارب
بدر ابتسم وهو بيحضنه : الله يبارك فيك يا صاحبي عقبالك يا رب
جاسر ابتسم : انشالله
بدر : رحاب مراتي رحاب ده جاسر صاحبي
رحاب بنت جميله جدا وطيبه آوي ومحجبة قالت بأبتسامه : أهلا بحضرتك
جاسر بأبتسامه : اهلا بيكي والف مبروك
رحاب : إللي يبارك فيك عقبالك
جاسر : تسلمي
جاسر كان واقف مع بدر لاقي حد قاعد بيزق فيه
بص شاف جني وانبهر لما شاف شكلها كانت لبسه فستان سواريه دهبي حلو جدا عليه وميكب خفيف وعامله شعرها وكانت قمر جدا
فضل باصص عليها بصدمه من شكلها
جني وهي بتزقه : اوعي كده اوعي عايزه أي قص ( ارقص)
مع أخويا وسع وسع يا يزل(رزل)
جاسر بصلها بصدمه لان الشكل اللي هي فيه مش راكب علي طوله لسانها دي
جاسر بعد : أهو ياختي وسعت
بدر مسكها من شعرها براحه: يابت احترمي نفسك آنتي لسانك ده إيه رشاش اتهدي بقى
جني : اي اوعي شعيي( شعري) يا بدي(بدر) ويلا بقي علشان
تي قص(ترقص) معايا
بدر ضحك : يلا يا ختي
راحو رقصو سوا وبقت جني فرحانه جدا باخوها
وكل اللي كان موجود شاركهم في الرقص والعروسة وكله
بقي يرقص فرحان وجاسر كان واقف بيصقف فرحان
لصاحبه بعد شويه خلصو رقص وجه فقره السلو
بدر حد مراته وبقو يرقصو علي اغنيه (سيبي روحك)
الاغنيه إشتغلت وجاسر مبقاش شايل عينه من علي جني
اللي واقفه بتصور اخوها اللي بيشاور ليها بأبتسامه وبيحدف
ليها بوسه وهي عينها بتدمع لأنها مش مصدقه انو مش
هيبقي معاها في بيت واحد والبيت هيفضي عليها ومش
هتلاقي حد يرخم عليها ويهزر ويسهر معاها غيره بس هي
دي سنه الحياه قفلت الكاميرا بعد ما صورتو شويه
وبعدين ألدي جي طلب كل كابلز يرقصو مع بعض