ياسمين بصت ليها : بتكلميه ولا لا يا عزيزه
عزيزه نزلت راسها : آه كلمته
ياسمين ابتسمت وقالت وهي بترفع رأس عزيزه : طب ارفعي راسك انتي آه غلطي لما كلمتيه من ورا أهلك بس عليتي في نظري آنتي وو هو اسمه ايه
عزيزه بأبتسامه : إيهاب
ياسمين : ياختي عسل بتقوليها وإنتي منشكحه آوى كده ليه المهم عليتي في نظري آوي آنتي وايهاب انو قرر انو يقول لسامي بس خايف يخسره خليه يفاتحه في الموضوع بأسرع وقت ويتشجع هو مش بيعمل حاجه غلط هو داخل البيت من بابه
عزيزه : هو جاي انهارده الخطوبه لان سامي عزمه فاهو بقى يكلمو النهارده
ياسمين : خلاص كده تمام المشكلة اتحلت وإنا كمان هقول ليونس وهو هيبقي مع إيهاب انو يقول لسامي ومتقلقيش يونس سر وغطا على الكل
عزيزه بفرحه حضنتها : ربنا يخليكي ليا يا ياسمين انا مش عارفه اقولك ايه
ياسمين بأبتسامه : متقوليش حاجه يا حبيبتي انتي اختي
الباب خبط عليهم من بره وكانت ابتهال : ياسمين الست اللي هتعملك الميكب جت
ياسمين : ماشي يا حبيبتي خليها تطلع
ابتهال: ماشي يا حبيبتي ربنا يتتملك علي خير وراحت نزلت
عزيزه: طيب اسيبك أنا بقي تعملي الميكب وهبقي أجيلك تآني
ياسمين : ليه خليكي
عزيزه : معلش هجيلك لما البس علشان أعمل الميكب أنا كمان
ياسمين بأبتسامه : ماشي يا زوزو
الست دخلت هي و البنات المساعدين بتوعها وعزيزة خرجت
الست بأبتسامه : صباح الخير يا عروسه
ياسمين بأبتسامه : صباح النور يا حبيبتي
الست : أنا سالي الميكب الارتست لو عايزه أي حاجه أعملها ليكي قولي عليها أي كومنت على الميكب أي حاجه أنا معاكي
لحد الاخر ومعايا البنات دول هيعملو شويه حاجات ليكي وبعدين نبدأ في الميكب تمام
ياسمين : آهلا وسهلا لا بصي أنا سيبالك نفسي إعملي إللي آنتي عايزاه خصوصا إني عارفه إنك أشطر وأشهر وآحده فأنا هسيب كله عليكي أنا واثقه فيكي بس بقولك في بنات هتعمل بردو معايا بس بعد ما أخلص أنا
سالي : ده شرف ليا يا فندم ومتقلقيش في بنات معايا بتعرف آوي في الميكب ده كمان أشطر مني بس أنا تخصص عرايس بس
ياسمين : ماشي يا حبيبتي علي خير
سالي : طيب يا حبيبتي يلا نبدا هنعمل بدكير ومناكير وبعدين مسكات وبعدين نبدأ في الميكب
ياسمين : تمام
بعد كده البنات خدت ياسمين علي يعملو ليها الازم
في اوضه كريمه
كانت عماله رايحه جايه بغضب وعماله تحاول توصل لمنصور
كريمه بغضب : إنت فين يا زفت مش عارفه اوصلك من إمبارح يتري في إيه مش عارفه مش بترد ليه
دخلت عليها صفاء : هو مين ده يا ماما إللي مش بيرد
كريمه اتخضت واتوترت بس دارت علي التوتر بعصبيه : انتي مالك انتي وبعدين مش تخبطي قبل ما تخشي امتة هفضل أعلم
فيكو
صفاء اتفاجأت من هجوم أمها عليها : في إيه يا ماما أنا مقولتش حاجه لكل ده
كريمه هديت : انتي عايزه ايه دلوقتي
صفاء : مش عايزه حاجه يا ماما بعد اذنك وخرجت من الاوضه وهي عينها بتدمع
كريمه نفخت وقالت: في داهيه وبقت تحاول تتصل تآني بمنصور : يوووووووه انت روحت في اني داهية
في بيت جني ام لسان
جني كانت واقفه في المطبخ بتغسل المواعين طبعا بعد مجادلة كبيرة بينها هي وامها
جني بغنا : الدنيا ييشه ( ريشه) في هوا تيا يا ( ترارا)
طايي ه ( طايره) من غيي (غير) جناحين وإحنا انهايده( انهارده) سوا
جني بضيق : اوف بقي ده اي الاغنيه اللي كلها ي (ر) دي
أمها دخلت عليها : خلصتي المواعين ياختي
جني : ايوه ايوه يا ميات( مرات) أبويا
امها ضربتها علي كتفها : يابت بطلي قله أدبك دي كل ده علشان قولتلك اغسلي طبقين أبقى مرات ابوكي طب يا ختي كنت ياريت ابقي مرات أبوكى علي الاقل كنت مشيتك على عجين ميخلبطهوش
ابوها دخل : إيه ده يعني أتجوز عادي معندكيش مشكله
امها لفت لجوزها بعصبيه : إنت يا راجل إنت هتجبلي جلطة إنت وشبر ونص دي
جوزها ضحك وقرب منها : بعد الشر عليكي يا قلبي انشالله إللي يكرهوكي
جني رفعت أيدها : يايب ( يارب) أتجوز بقي واعيش الحياه زيهم كده
أمها بصت عليها بقرف : هتموتي وتتجوزى
جني : أتجوز علشان ايتاح (ارتاح) أقعد كده في بيتي معززه مهزقه
ابوها ضحك : والله العظيم عبيطه
بدر دخل : صباح الخير يا جماعة
كلهم: صباح النور / النوى
بدر : بابا انا معزوم النهارده علي خطوبه بنت عم جاسر صاحبي عارفو أكيد فهروح أنا والمدعوسه إللي جنبك دي
ابوه : آه يا حبيبي عارفو يا حبيبي روح
جني بعصبيه : إيه مدعوسه دي بقي يا اخ بدي(بدر) انا مش هيوح( هروح) في حته
بدر : شايف يا بابا يعني الراجل عزمنا نقولو لا
جني : يا بابا ده ياجل( راجل) قليل الادب ايوح (أروح) ليه حاجه تخصه
بدر : بص يا بابا انا هحكيلك بدء حكاله
أبوهم بص لجني : طب ماهو انتي اللي غلطانه يا جني ماهو الراجل اعتز بدل المرة تلاتة في إيه بقى
جني : خلاص يا بابا هيوح( هروح) واميى(أمري) لله
بدر : ماشي يا أختي خشي بقى شوفي هتلبسي إيه
جني دخلت الاوضه بتاعتها تشوف هتلبس إيه
أبوه : خلي بالك من أختك يا بدر
بدر بأبتسامه : متقلقش يا بابا
امهم : طيب يلا نفطر بقى
قاعدو يفطرو
تسريع الاحداث علي بليل
كانت سالي خلصت كل حاجه لياسمين والبنات وكانت ياسمين زي القمر كانت لابسه فستان سليفر طويل وبكم تل والميكب بتاعها لايق جدا علي شكلها وعامله تسريحه شعر جميله جدا كانت قموره بمعني الكلمة
كلهم : بسم الله ما شاء عليكي قمر
ياسمين اتكسف
الباب خبط وكان يونس
دخل اتصدم من شكل ياسمين وجمالها
يونس انبهار : إيه القمر ده
ياسمين اتكسفت : شكرا