صفاء دمعت بندم ومسكت أيد ياسمين : أنا أسفه أنا غلطت في حقك بس خلينا نبدأ صفحه جديدة مع بعض و بصي هبقي كل حاجه ليكي أختك وصاحبتك وكل حاجه ليكي سامحيني يا ياسمين انا عارفه انك قلبك طيب وهتسامحي صح
ياسمين بصت ليها وبعدين ابتسمت : ماشي هنبدأ صفحه جديده تعالي في حضني يا أختي يا بنت عمتي يا غاليه
صفاء ضحكت بفرح وراحت حضنت ياسمين وياسمين كانت فرحانه جدا إن صفاء اتغيرت معاها
الباب خبط عليهم وكان جاسر
جاسر بهزار : يا اااه للعار بنت عمي وبنت عمتي مع بعض ياااه للصدمه أنا اتصدمت بجد
ياسمين وصفاء ضحكو : بس يا أهبل
جاسر بأبتسامه : ربنا يخليكم لبعض يا حبايب قلبي
ياسمين وصفاء بأبتسامه : ويخليك لينا يارب
بعد كده قاعدو مع بعض شويه وكل واحد راح علي اوضته
في الجنينه كان يونس مع ايمن
يونس كان عمال رايح جاي بعصبيه
ايمن : اهدا يا يونس علشان نعرف نتصرف
يونس بعصبيه : هنتصرف في إيه إنت فاهم هي هتعمل إيه دي عايزه تقتل ياسمين زي ابوها وامها انا مش هستني لما تاخد مني ياسمين أنا إللي هلبسها بدله الاعدام بنفسي
ايمن : انشالله مش هيحصل ليها حاجه و بعدين لازم دليل يا يونس إنت عارف الشغل بتاعنا ده بيمشي بالدليل
يونس بغضب : دليل اية آكتر من تسجيل المكالمة إللي إنت سجلتو ده كفيل إنها يوديها في ستين داهية وتاخد إعدام ونخلص
ايمن : طيب لازم نعرف حد من العيله مينفعش نعمل حاجه من غير علم حد فيهم
يونس بعصبيه : عايزني اقولهم اية ها اقولهم يا جماعه الحاجه كريمه دي لو كانت حاجه أصلا قتلت أبو ياسمين وامها والدور إللي جاي هيبقي علي ياسمين
صوت من وراهم بصدمه : إيه كريمه
لفة بسرعه للصوت اتصدموا لما شافو.
صوت من وراهم بصدمه : إيه كريمه
يونس وايمن لفو للي بيتكلم اتصدمو لما شافو صابر عم ياسمين
صابر بصدمه : يعني كريمه إللي قتلت أخويا ومراته وعايزه تقتل بنته إزاي
يونس بتوتر : عمي قاطعه صابر بغضب : أنا عاوز أعرف كل حاجه يا يونس
أيمن حكالو علي مكالمه التليفون بتاعه كريمه وانو سماعها وهي بتتكلم مع واحد معرفش هو مين
صابر بعصبيه : والله لاطلع اقتلها يونس مسكه بسرعه قبل ما يطلع
يونس بسرعه : لالا يا عمي متطلعش دلوقتي إحنا معندناش دليل غير مكالمه التليفون لازم نعمل خطه نوقعها بيها علشان نعرف تقبض عليها وتتعدم علي إللي عايزه تعملو ده
صابر بدموع وغضب : دي شيطانه أزاي تعمل كده تقتل أخوها بسبب حقدها و غيرتها تخليها تعمل كده طب ياسمين
ذنبها إيه عايزه تقتلها ليه
ايمن : مش عايزه حاجه تفكرها باخوها ومراته وكمان اللي عرفتو علشان الورث
صابر بعصبيه : ورث إيه ماهي خدت حقها لما اتجوزت الزفت جوزها واهو طلقها ورجعت تقعد هنا تآني والله لو ابويا عرف هيروح فيها
يونس : انشالله مش هيحصلو حاجه المهم دلوقتي عايزين نشوف خطه نكشف بيها كريمه
صابر : أنا معاكو مش لازم اسيبها هي اينعم أختي بس العدل والقانون في كل شي وهى غلطت ولازم تتحاسب
ايمن : تمام يا عم صابر يلا اقولكو هنعمل ايه
عند ياسمين دخلت عند جدها خبطت
ياسمين : ينفع ادخل يا عسل
جدها بضحك : تعالي يا قلب جدك
ياسمين دخلت باسته: حبيبي العسل عامل إيه
جدها ابتسم : الحمدلله يا حبيبتي انتي عامله ايه
ياسمين : الحمدلله بقولك ايه يا جدو عايزه اقولك حاجه
جدها : قولي يا حبيبه جدك
ياسمين : صفاء دخلت أوضتي واتكلمت معايا
جدها عمل نفسه متفاجئ : إيه ده بجد قالت إيه
ياسمين حكتلو وهو كان مبتسم علي صفاء
ياسمين خلصت وقالت : إيه رأيك يا جدو
الجد ابتسم : بصي يا حبيبتي هي صفاء مش وحشه أمها إللي خليتها كده بس آنتي جدعه وقلبك طيب علشان كده
سامحتيها ربنا يبارك فيكي يا قلب جدك
ياسمين ابتسمت بحب : حبيبي يا جدو ويبارك في صحتك وعمرك يارب بص بقى أنا دخلت ليك علشان اقولك علي صفاء وكمان اخدك تنزل تاكل معانا بدل ما
تاكل كل يوم لوحدك كده
جدها : انزل إزاي بس يا ياسمين وانتى عارفه إللي فيها
ياسمين : ودي حاجه تفوتني عامله حسابي طبعا
يا جاااااااسر
جاسر دخل هو وسامي بالكرسي بعجل : ايوووووه جاااااي
يلا يا باشا هنزل ناكل كلنا تحت
جدهم بصلهم بأبتسامه ودموع : ربنا يخليكو ليا يا حبايب قلبي
كلهم : ويخليك لينا يا حبيبي يلا بقي علشان حنا جعانين آوي
جدهم ابتسم وقال : يلا
بعد كده جاسر وسامي شالو جدهم وحطو علي الكرسي ونزلو بيه وياسمين نازله وراهم
كلهم تحت اتصدمو لما لاقو جاسر وسامي شايلين جدهم ونزلين بيه
صابر بفرحه : حبيبي يا بابا إنا نزلت تاكل معانا أنا مش مصدق نفسي
الجد بأبتسامه : البركه في ياسمين ربنا يخليها ويبارك فيها يارب
كلو ابتسم معادا طبعا كريمه بتبص ليهم بغل وحلفت إنها تنفذ في أقرب وقت
كريمه بغل : أنا عملت كيكة مخصوصه علشان ياسمين إيه رأيك تدوقي أكل عمتك يا سوسو
يونس وايمن وصابر بصو لبعض بخضه وبعدين بصو لكريمه
صابر قال لكريمه : معلش يا كريمه مش هينفع دلوقتي علشان أنا وأخد ياسمين معايا كده مشوار كده
ألجد : مشوار اية يا صابر
صابر : هقولك بعدين يا بابا يلا يا ياسمين
الجد : طيب كلو يابني الأول
صابر أقعد تآني غصبن عنو علشان ابو ميزعلش