سامي : واكتر كمان انا مهما اقولك علي مشاعري ليها مش هتصدقي ها بقي اعمل ايه بما انك بنت وكده
فاطمه كانت بتقاوم دموعها : شوف هي بتحب ايه واعملو
سامي : طب قولي إنتي أعمل إيه يعني انتي مثلا بتحبي ايه
فاطمه : أنا مثلا بحب الورد الاماكن الهاديه البحر كده يعني بس مش كل البنات زي بعضها في بنات كده وفي بنات كده. سامي بسعاده : خلاص أنا كده عرفت أنا هعمل ايه بعد اذنك يا طمطم وخرج من البيت
فاطمه بصتله ودموعها نزلت : كان نفسي تحس بيا يا سامي إنت متعرفش أنا بحبك ازاي ربنا يخليها ليك ويخليك ليها ويجمعكو علي خير
عند كريمه كانت قاعده في اوضتها بتتكلم في التليفون
كريمه بغل : أنا مش عارفه البت دي طلعت ليا منين
المجهول : ______________________
كريمه بغضب : مانت عايزه طريفه اخلص منها بيها
المجهول :____________________
كريمه بغضب : أنا لازم اخلص منها زي ماخلصت من امها وابوها
كريمه بغضب : لازم اخلص منها زي ما خلصت من ابوها وامها
المجهول بعصبيه : أسكتي وطي صوتك لحد يسمعك
كريمه : محدش قاعد جمبي أنا فوق في أوضتي محدش
سامع حاجه المهم انا عايز اشوف طريقه اخلص بيها من الزفته دي
المجهول : انتي ليه بتكرهي ياسمين آوي كده
كريمه بكره : علشان بتفكرني ب الزفته أمها إنت مش عارف إنا كنت بكره امها إزاى كله كان بيحترمها وكانت أجمل منى مليون مره وكله كان بيحبها وخدت
فرصه إن أبويا طردهم من البيت انا فضلت مراقبهم سنين وكل ماجي أقول هنفذ ألاقي حاجه بترجعني لحد ما عرفت انهم رايحين مع بعض الشغل وبنتهم كانت في بيتهم خليت واحد يضربهم بالعربيه
وخلصت منهم أنا كنت عايزه أخلص من أم ياسمين بس بس أخويا جه معاها بس مش مشكله كده ضربت عصفورين بحجر واحد وكنت خلاص هقتل ياسمين
بس هي سابت الشقه دي فتره موقته وبعدين رجعت تاني وصابر جابها هنا وانا مش عايزه إفتكر اي حاجه من ريحه أشرف و مراته علشان كده عايزه اموتها
المجهول : امممم طيب اسمعي بقى
وكملو كلام في خططتهم الشريره ضد ياسمين الغلبانه
بعد أسبوع
كان يونس قاعد مع صابر
يونس : ها إيه رأيك يا عم صابر إيه رأيك
صابر بأبتسامه : والله يا حبيبي أنا معنديش مانع ولا انا ولا جدها شوفها هي
يونس بثقه: متقلقش أنا هخليها توافق
ايمن بينده علي يونس : يونس يونس
يونس ابتسم وقال لعم صابر : بعد اذنك يا عم صابر هشوف الزنان ده عايز إيه
صابر ابتسم : أتفضل يا حبيبي
يونس قام وراح لايمن
ايمن قاله علي حاجه صدمت يونس
عند ياسمين كانت قاعدة علي السرير بتاعها بالتليفون بتاعها باب اوضتها خبط
ياسمين : أتفضل
الباب أتفتح وكانت صفاء
ياسمين بصت ليها بهدوء : خير
صفاء باحراج : ممكن اتكلم معاكي شويه
ياسمين بصت ليها شويه وخدت نفسها : تعالي اتفضلي
صفاء قعدت قدامها وهى متوتره ومحروجه : أنا عارفه إنك مش طيقه تشوفي وشي بس انا والله مكنش ذنبي ماما إللي كانت بتملي دماغي من ناحيتك كانت دايما تقولي إنك هتاخدي مكانه البيت كلها وانك هتبقى الكل في الكل وهتشغليني خدامه عندك انا بقى زي ما تقولي الدم غلي في عروقي انه إزاي بعد مانا
كنت البنت الدلوعه هنا هبقى الخدامه لحتة بت فضلت ماما تقول كلام تخليني اكرهك علشان كده كنت بحاول اذيكي باي طريقه وعملتها لما زقيتك من علي السلم وكنت ناويه كمان انتقم منك لما ضربتيني بس كلام جدي فوقني من ناحيتك وخلاني خلاص مش عايز أعمل حاجه معاكي تآني فبتمني إنك تسامحيني يا ياسمين
ياسمين بصتلها شويه وبعدين قالت : بصي يا صفاء أنا مكنتش عايزه كل إللي حصل ده يحصل بس آنتي إللي اضطرتيني