البنت بالروسي : مساء الخير سيدتي السيد الجوكر طلب مني إن أساعدك في أي شي تطلبيه
ياسمين طبعا حماره مش فاهمه أي حاجه بس إللي فهمتو من كلامها الجوكر يعني دي البنت اللي هو قال عليها هزت راسها وقامت معاها البنت ساعدتها في لبس هدومها وبعد ما خلصو البنت خرجت وبعد شويه الجوكر دخل
الجوكر : جاهزه
ياسمين بصتله بقلق: ااه نوعا ما يعني
الجوكر بأبتسامه : متقلقيش انتي في حمايه الجوكر
ياسمين بصتله وقالت : أنا مش عارفه إنت مين وبتعمل كده ليه
الجوكر بأبتسامة : هتعرفي مع الوقت يلا بقي ننزل علشان نبقي في استقباله
ياسمين بخوف : أنا خايفه
الجوكر بضيق: قولتلك متخفيش انتي في حماية الجوكر
ياسمين قامت معاه وهي بتقول : ربنا يستر وبعد كده نزلو تحت وياسمين قاعدت علي الكرسي الجوكر قعد على الكنبه
الجوكر لياسمين : عايزك لما يخش تتعاملي بشجاعه كانك مش خايفه منه لازم يشوف الشجاعه في عيونك فاهمه
ياسمين هزت راسها بقلق: تمام ومن جواها بتدعي إن الموضوع يعدي علي خير
شويه ودخل الباشا قصر الجوكر
الباشا دخل شاف ياسمين قاعده على الكرسي بكل ثقه زي ماقالها الجوكر الباشا بص ليها بأبتسامه خبث وبعدين بص الجوكر الجوكر قام وقف وقرب الباشا
الجوكر ببرود: منور يا باشا
الباشا قال وهو عينه على ياسمين : بنورك يا جوكر
الجوكر باستهبال : إيه سر زيارتك في القصر بتاعي
الباشا بصله وقال : في امانه عندك وانا عايز اخدها
الجوكر ببرود : امممممم امانه ايه بقي انشالله
الباشا شاور علي ياسمين : دي
الجوكر بص علي ياسمين إللي كانت خايفه وبعدين بص علي الباشا : ملكش حاجه عندي وياسمين هنا معايا أنا وأنا مش هسيبها لحد مهما كان مين
الباشا يغضب : بقولك ايه يا جوكر بلاش الشغل ده معايا البت دي هاخدها معايا يعني هاخدها وإنت عارف ليه فبلاش الجو ده يا جوكر علشان مدقش زعلي
الجوكر بغضب : أنا مش بتهدد يا باشا وانت مش هتاخدها من هنا غير علي جثتي
ياسمين خافت جدا من إصرار الباشا انو ياخدها بص اطمنت من كلام الجوكر
الباشا بغضب : بلاش تخلق عداوه بيني وبينك يا جوكر
الجوكر بضحكه سخريه : هي اصلا مخلوقه من زمان مش جديد يعني اديني بقولك مش هتاخدها من هنا غير علي جثتي
الباشا بغضب طلع المسدس من جيبه وحطو في وشو : يبقي إنت إللي اخترت
ياسمين بصت ليه بخوف
عند يونس وايمن في الطيارة
يونس كان ساند دماغه على الكرسي ومغمض عينه
ايمن : يونس
يونس :هممممم
ايمن : يونس
يونس بضيق: هممممم
ايمن : يا يونس
يونس بعصبيه : يا بني عايز اية يخربيت أمك
ايمن اتخض : الله خضتني يا جدع بقولك تفتكر مزز روسيا زي ما بنشوفها في التلزيفون ولا ده تركيب
يونس بأستغراب وقرف : تلزيفون ؟ ايه القرف ده
أيمن : الله متركز في إللي أنا قولتو
يونس بغضب وهو بيضربه في كتفه : هو إنت في إيه ولا في إيه متركز في أم شغلك يا عم الله
ايمن بضيق: الله يا يونس هو إنت علطول سادد نفسي كده الله مش لازم أروق عن نفسي شويه
يونس بصله وهو دايس علي شفايفه وضربه تآني : هو إنت مش معاك واحده ها وبتحب وآحده عينك فارغة ليه اقسم بالله يا ايمن نرجع بس بالسلامه وأنا إللي هجيب لصبا عريس واطيرها منك إيه رايك بقي
ايمن بخضه : يلهوي لا خلاص خلاص ونبي برءاه خلاص يا يونس دنا حبيبك دنا هخلي ياسمين تسامحك أهون عليك يا صاحبي
يونس بضحك : خلاص يبقي احترم نفسك بقي ها وسبني أنام
ايمن حط أيده علي بوقه وسكت وعمل نفسه نايم
يونس ضحك ونام
في قصر الجوكر
كان الباشا ماسك المسدس وحطو في وشو الجوكر
الجوكر بضحك : خوفت أنا كده صح
الباشا بغضب: لازم تخاف دانا الباشا
الجوكر : وأنا الجوكر يعني مبخافش من أي حد ولا منك يا إبن بياعين الأعضاء
الباشا راح عليه بغضب وبيحاول يضربو بالنار بس الجوكر ماسك أيده وبيحاول ياخد المسدس منو
ياسمين كانت قاعده خايفه
مره وآحده رصاصه ضربت وياسمين صرخت
يونس فتح عينه بخضه : ياااااسمين
يونس بخضه : ياااسمين
ايمن اتخض وفتح عينه علشان كان نايم قال بقلق : في إيه يا بني مالك
يونس بقلق : حاسس إن ياسمين حصلها حاجه
ايمن : بس فال الله ولا فالك اكيد بخير متقلقش دانت بس علشان بتفكر فيها علي طول
يونس بهدوء : يمكن
ايمن ووهو بيطبطب عليه : نام يا يونس نام يا حبيبي
يونس بصله وبعد كده كمل نوم
عند الجوكر في القصر
الرصاصه اضربت وياسمين صرخت
الرصاصه اضربت في قلب الباشا ووقع علي الارض
ياسمين بصتله بخوف وبعد بصت للجوكر: هو كده مات
الجوكر نزل قعد على ركبه بهدوء علي يشوف النبض لاقي نبض ضعيف خد نفس براحه وقال : لا لسه في نبض أنا مش عايزو يموت دلوقتي وبعد قال بصوت عالي : يا ررررررعد
رعد الحارس الشخصي بتاع الجوكر قال بصوت تخين : اوامرك يا باشا
الجوكر : خده عالجه واحبسو في اوضته المخزن بتاع القصر
رعد وهو بيشيل الباشا لأن رعد مشالله ضرفه : تحت أمرك
وخده وخرج بره
الجوكر بص لياسمين إللي خايفه وقال بسخريه : متخفيش آوي كده ده زي القطط بسبع أرواح
ياسمين بصتله : هو إنت إزاي قلبك قاسي كده إنت بتقتل أرواح إنت متخيل أنا أول مره أشوف حد كده زيكو بيقتل بسهوله كأنو بيغير هدومه أنا مش عارفه
مش بيصعب عليكو لما تموتو حد بإيديكو هو آه يستاهل كل إللي بيحصل فيه بي ده بردو روح حرام
الجوكر بصلها شويه وبعدين قال بسخريه : الروح اللي انت بتقولي عليه ده يتم كذا طفل و حرم الاطفال من حضن أمهاتهم ضيع للبنات شرفهم وكان هيبقي
الدور عليكي بس أنا إللي هقف في وشو ومش هخلي يقربلك عارفه ليه علشان أنا زيك مش بحب أشوف دم حد بيتصفي قدامي أنا بيني وبين ناصر الزفت ده عداوه كبيره علشان كده مش عايز يحصلك حاجه والناس إللي آنتي بتتكلمي عنهم دول ازبل من الزبالة يعني متزعليش لو حد فيهم مات ده كده البلد بتنضف منهم
ياسمين بصتله بهدوء بعد ما سمعت كلامو وقال : هو إنت مين بالظبط
الجوكر بصلها وبعدين قال بغموض : هتعرفي مع الوقت يلا اطلعي ارتاحي وانا هخليهم يحضرو ليكي الغدا ومتقلقيش الاكل من فلوس حلال
ياسمين بصتله شويه وبعده كده قالت بأبتسامه : إنت شكلك طيب ومش وش كده انت ليه بتعمل كده
الجوكر بصلها بأبتسامه : قولتلك هتعرفي مع الوقت اطلعي يلا
ياسمين هز راسها وطلعت فوق
الجوكر قعد علي الكرسي ورفع دماغه لفوق وقال بخنقه: يارب
بعد ساعتين عند ايمن ويونس الطياره وصلت المطار ونزلو من الطياره
ايمن شاف وآحده شعرها تلجي وقموره جدا ولبسه فستان احمر شال النضاره من علي ودانو وقال بتصفير : العب يا أهلي
البنت بصتلو بضحكه ايمن بغزل : ضحكت يعني قلبها مال بقولك اية يا قمر ما تاخديني تربيني ثواب دانا يتيم وبعدين معنديش أهل وبدور على حد حنين يعطف عليا قولتي إيه يا جميله
البنت بصتلو بعدم فهم لأنها مش فاهمه كلامو كانت لسه هتتكلم قاطعها ايمن : والله مانتي مكمله أكيد موافقه صح موافقه قولي قولي ونبي
يونس شده من قفاه بعصبيه: تعالي بقي يخربيتك قرفتني اتلم بقي إنت عينك زايغه ليه
ايمن بحزن مصطنع : سبني يا يونس الحلاوه دي محدش بيشوفها كتير حرام يا يونس تحرم قلبين من بعض
يونس : قلبين إيه يا اهبل انت انت لسه شايفها وبعدين صبا ها صبا
ايمن بسرحان وحب : اااه فكرتني بالرز بلبن بتاعي حبيبي صبا
يونس بصله : هو إنت عندك خال أهبل
ايمن لف ليه : آه خالي حسن انت تعرفو
يونس بصله بعصبيه ومشي من قدامه
ايمن وهو بيجري وراه : يا شبح ياااا يووونس
بعد ساعه يونس وايمن وصلو الشقه اللي اللوا جابها ليهم
ايمن دخل واتصدم من شكل الشقه الشقه بدورين وجميله جدا
ايمن بنبهار: يا ابووووووي علي الحلاوة إيه الجمال ده
ذذذذذذذذذذذذذذذذذ ايمن هو بيهش الدبانة : بس ده بقي مش جميل هو إحنا نسيبك في مصر تيجي هنا دانت تنح ذذذذذذذذذذذذذذذذذ ايمن بصوت عالي :
يايووووووونس رش بريسول علشان ابن الزنانه ده أنا زهقت
يونس ضحك وهو طالع فوق : معلش أقعد مع صحابك سالو بعض وبعدين دخل الاوضه
ايمن بصدمه : سالو بعض قصدو إني زنان وبعدين قال بصوت عالي وهو طالع : خد يابن عبدالله والله لاوريك
ياسمين قاعده علي السرير بتفكر في حياتها وهتعمل اية لما المهمة دي تخلص وبتعدي من قلبها إن يونس يجي ويرجعها بلادها علي خير شويه والباب خبط عليها دخلت البنت بصنيه الاكل حطت الاكل علي التربيزة وخرجت علي طول
ياسمين بصتلها وقالت : إيه العالم دي عاملين زي الروبوت حاجه نيله وبعدين قربت من الصنيه وابتدت تاكل
ياسمين بعد ما كلت الاكل حطت أيدها علي بطنها بشبع وقالت : يااااااه برغم انهم زباله بس اكلهم حلو المال الحلال أجمل يا سلااااام