إني مراقبها كويس جدا ثم علشان أنا عارف شكلك شوفتها ماشيه معاك في الشارع وإنت ظابط والمره التانيه سمعتها لما كانت بتكلم الدكش في الحمام تعرف الدكش ايمن إللي هيحصلكو انشالله لما اقتلكو واحد ورا التاني معاش ولا كان إللي يقدر يستغفل ناصر الصاوي إللي ضربتو بموته وإنت إللي هيبقي عليك الدور اأول واحد علشان إنت ليك ماعزه خاصه عندي
يونس ابتسم ببرود : طب بدل مانت عارف كل حاجة مجتش زي الشاطر ليه في شقتي تواجهني ولا إنت فالح في تخطف وتساوم وجو الاقرع ده
ناصر بغضب : أنا مش بساوم على حد أنا جايبك علشان تشهد علي روح حبيبتك يا سمين وراح مد المسدس ناحيه ياسمين ياسمين بصت ليونس بخوف ليونس يونس لسه هيقرب علي ناصر ناصر ضرب نار علي ياسمين يونس اتصدم وصرخ باسم ياسمين وياسمين كانت فاقده الواعي وناصر واقف يضحك بعد قال بشر : اتشاهد علي روحك يا شبح وقبل ما يضرب علي يونس يونس قام ضرب ناصر بالرجل في باطنه الراجل إللي واقف مع ناصر قرب يضرب يونس
يونس لف وضربه بالبوكس في وشو ورجل في دماغه الراجل وقع علي الارض بف ناحيه ناصر ناصر ادالو بوكس في وشو يونس مسح الدم اللي نزل من جمب بوقه تف الدم وبص لناصر بغل وقام وفضل يضرب فيه يضرب فيه وناصر يرد الضربه فضلو كده لحد ما ناصر تعب ووقع علي الارض علي داخله ايمن والقوه ايمن راح علي ناصر ويونس جري علي ياسمين
يونس بخوف :ياسمين ياسمين قومي ياسمين
ايمن :شالها بسرعه يا يونس وحطها في عربيه الاسعاف إللي بره
يونس شالها بسرعه وخرج حطها في عربيه الاسعاف الدكتور إللي فيها شاف ياسمين قالو ان الرصاص في دراعها
يونس اطمن شويه بس فضل قلقان علشان هي فاقده الوعي
ايمن خرج وهو ماسك ناصر هو واحد تاني من القوه وحطو في عربيه البوليس وبعدين راح ليونس اللي قاعد في عربيه الاسعاف بتاعه ياسمين وقالو :كده ناصر بقي معانا ناقص نسافر روسيا علشان المجموعه اللي هناك
يونس من غير ما يبصله :اطمن علي ياسمين وقال وبعدين نشوف هنعمل إيه
ايمن هز دماغه بماشي شويه وعربيه الاسعاف اتحركت وكل العربيات في عربيه ياسمين كان الدكتور حاطط ليها قناع الاكسجين ويونس كان ماسك أيدها
راحو علي المستشفى دخلت ياسمين اوضته العمليات
وايمن ويونس كانو واقفين بره
ايمن تليفونه رن راح رد عليه ورجع : يونس
يونس بصله وقال :نعم
ايمن : اللوا عايزنا
يونس : ماشي بس لما اطمن علي ياسمين
ايمن قال : ماشي
بعد ساعتين خرج الدكتور وقالهم طلعو الرصاصه وبقت كويسه يونس فرح واطمن إنها كده بخير نده ممرضه أدها فلوس وقالها تفضل جمب ياسمين
ومشي هو وايمن راحو المقر بتاع شغلهم داخلو للوا
اللوا فكري بأبتسامه : تعالو يا شباب
يونس وايمن دخلو قاعدو
فكري : أنا سعيد جدا يا شباب أنكو قبضتو علي ناصر اينعم مكنش زي ماحنا مخططين بس أهو قبضتو على عنصر مهم في المافيا ناقص بس تسافرو روسيا علي تكملو المهمة ويبقي كده خلاص كل حاجه هترجع زي ماكانت
يونس بتوتر: ايوه يا فندم بس ياسمين
فكري : يا سمين كده يعتبر مهمتها انتهت وهترجع بيتها ولا كان حاجه حصلت
ايمن بص ليونس اللي ادايق
يونس لسه هيتكلم تليفونه رن وكانت الممرضه إللي قالها تخلي بالها من ياسمين قلق رد عليه : الو
الممرضه بخوف : ايوه يا يونس بيه المريضه إللي حضرتك قولت عليها
يونس بقلق: مالها
الممرضه : دخلت ملقتهاش في إلاوضه والعسكري اللي حضرتك موقفه قدام الباب مضروب وواضح كده إنها اتخطفت
يونس اتصدم 😳
يونس بصدمه : نعم يا اختي اتخطفت وإنتي كنتي فين هاا
الممرضه بخوف : والله يا بيه كنت بجيب ليها محاول بدل إللي خلص لاقتها مش في اوضتها والعسكري مضروب
يونس اتعصب وقفل السكه في وشها
ايمن بقلق:في إيه يا يونس
يونس : ياسمين اتخطفت
ايمن اتصدم وقال :اية طب هتعمل إيه