يونس راح بعصبيه مسك ايمن من القميص بتاعه وايمن استغرب من رده فعل يونس : في إيه يا يونس مسكني ليه
يونس بعصبيه : إنت ليه قولت للوا إن ياسمين عرفت اننا ظباط اللوا اتصل بيا وهزقني وأنا أول مره في حياتي حد يكلمني باسلوب ده ليه ها ليه
ايمن : غصب عني يا يونس والله أنا وإنا بتكلم معاه الكلام دخل في بعضه علي فكره هو اتعصب عليا أنا كمان
يونس بعصبيه و من غير قصد : إنت عآدى علشان إنت أساسا مهزق ولعبي ومش بتاع شغل حياتك كلها ضحك وهزار نطلع مهمة تفضل تهزر وتضحك ماعني لازم في اي مهمه نبقى شداد لكن انت لا أنا أول مره اتهزق بسببك يا ايمن إنت مش راجل يلا ومش قد المسئوليه عايز تتجوز ليه ها تتجوز علشان وآحده هي إللي تقعد تفهمك الصح من الغلط ياخربيت أم اليوم إللي خلاني معاك في مهمه واحده انت عيل يلخوني اخدم مع عيل إنت المفروض ظابط مخابرات يعني تبقي شديد مش خرع وبتاع لوك لوك زي الحريم
ايمن اتصدم من كلام يونس إللي أول مره يسمعه منو من غير ما يحس الدموع نزلت من عينه وقال ليونس : ياااه دانت شايل مني آوي يا صاحبي إنا كنت عارف إني تقيل عليك بس لا يا يونس انا بتاع شغل وبتاع شغل آوي كمان بس الحياه مش شغل بس الحياه بنعشها علشان نضحك ونهزر أنا لما بتضحك واهزر في أي مهمة علشان بخفف عن نفسي بقول احتمال دي تبقي آخر مهمة ليا علشان لو مت كله يفتكرني بالخير ومش لا زم ابقي شديد علي فكره علشان أنا ظابط
مخابرات بس لو وجودي تقيل عليك كده يا يونس أنا هروح لسياده اللوا واقولو يلغي إني إشتغل معاك في أي مهمة بعد كده شكرا جدا ليك يا صاحبي علشان عرفتنى مقامي اوعدك مش هخليك تشوف وشي تآني وبعد كده شال أيد يونس من علي القميص وهو بيدمع وراح علي باب الشقه فتح الباب وبص علي يونس وياسمين إللي بتدمع علشانه ابتسم ليها بوجع وبعد كده مشي وقفل الباب وهو متجاهل ياسمين إللي بتنده عليه
يونس بص علي الباب إللي اتقفل بندم علي الكلام إللي قالو لايمن وبقي يقول في نفسه : غبي غبي
ياسمين راحت ليه وهى بتدمع : ليه كده حرام عليك ليه جرحته كده ايمن طيب وميستهلش منك كده
يونس بعصبيه : بقولك ايه انتي كمان انا مش ناقصك ولو مش عجبك آنتي رخره الباب يفوت جمل
ياسمين بصت ليه بصدمه : بتطردني يا يونس ماشي يا يونس وراحت نزلت هي كمان علشان أصلا ناصر مستنيها تحت يونس لما شافها هي كمان سابت البيت ومشيت فضل يكسر في كل حاجه ويصرخ : اااااااااااااااااااااااه نزلت ياسمين وهي بتعيط شافت عربيه ناصر مسكت دموعها علي طول وخدت نفسها ركبت العربية بابتسامه مصطنعة
ياسمين : إيه اتأخرت
ناصر ابتسم: لا ابدا مال وشك
ياسمين بتوتر : مفيش بشيل شعري من علي وشي صباعي دخل في عيني
ناصر : اممم
ياسمين : ها بقي هنروح فين
ناصر بأبتسامه غموض : علي مكان هيعجبك آوي
ياسمين ابتسمت بتوتر
ناصر لسه بنفس الابتسامه شغل العربيه وطلع بيها بعد ساعه عند يونس كان قاعد في الارض حاطط دماغه بين أيده تليفونه رن قام بتعب يشوفو لقي رقم
غريب رد
يونس : الو
: هلووو يا شبح
يونس بأستغراب : مين معايا
: أخص عليك كده مش عارف صوتي لا أنا كده ازعل وأنا زعلي وحش
يونس بصدمه : ناصر 😳😳
إيه مش عارف صوتي
يونس بصدمه : ناصر
ناصر بغموض : اممم افتح الكاميرا كده يا شبح اوريك حاجه
يونس قلق وفتح الكاميرا اتصدم من إللي شافه شاف ياسمين مربوطه في الكرسي و عماله تعيط وتحاول تفك نفسها بس مش عارفه
ناصر بخبث : ها إيه رأيك في المفاجأه دي
يونس بعصبيه : لو لمستها يا ناصر اقسم بالله العظيم مش هرحمك
ناصر ضحك بصوت عالي : مش هاجي جمبها اديك شايفها ادامك أهو صاغ سليم ان بس عايزك انت تجيلي هنا ولوحدك ولا تجبلي بوليس معاك ولا حاجه ها إنت حر لو جبت حد معاك رقبت المزه دي هطير متتاخرش يا يونس باشا هههههه هبعتلك العنوان سلام وقفل
يونس اتعصب وخبط الكرسي برجله وقال بغضب: ياااابن الكااااالب
وبعدين مسك التليفون وطلع رقم ايمن واتصل
عند ايمن كان قاعد قدام النيل بدموع وشرود بيفتكر كلام يونس إللي قالو صعب عليه نفسه وعيط سمع صوت موبايله مسكه شاف رقم يونس فضل باصص في شويه ومرضش سابه وكمل بص للنيل بعديها التليفون رن تاني ايمن مسح دموعه ومسك موبايله ورد بجمود: خير يا يونس باشا
يونس بسرعه : ايمن ايمن الحق ناصر كشف ياسمين وحباسها عندو في المخزن
ايمن اتصدم وقال بقلق : إيه كشف ياسمين كشفها إزاي يعني
يونس بعصبيه : معرفش معرفش هو عايزني ارحلو دلوقتي
ايمن بخوف : لا مش هسيبك تروح لوحدك يا يونس
يونس ابتسم علي قلق ايمن : خايف عليا حتى بعد إللي عملتو معاك وإللي قولتو
ايمن بسرعه : ملهوش لازمه الكلام ده دلوقتي عايزين نلحق البت إللي هناك دي
يونس دمع وقال : حقك عليا يا صاحبي متزعلش مني
ايمن بأبتسامه : مقدرش ازعل منك يا يونس داحنا صحاب من وإحنا صغيرين هو بس أنا اتوجعت من كلامك
يونس بسرعه : حقك عليا والله ما هيحصل تاني بس متزعلش مني الكام ساعه عدو وإنت مش معايا حسيت إني ضهري مكسور
ايمن بحب : معاش ولا كان إللي يكسر ضهرك يا شبح يلا بقي علشان الحق اكلم القوه تيجي تلحقنا
يونس : تلحقنا هو إنت جاي معايا
ايمن بسرعه : آه طبعا اومال هسيبك تروح لوحدك يا باشا
يونس ابتسم : حبيبي يا ايمن أنا مش ع قاطعة ايمن : ياعم إخلص البت هتبقي كفته
يونس بسرعه : طيب طيب هبعتلك العنوان بس بص أقف بعيد وجيب معاك القوه بسرعه
ايمن بسرعه : حاضر حاضر وقفل وبعدين قال بعياط مصطنع : أحيه دنا كنت عايز اتفسح أروح روسيا مليش في الطيب نصيب اهي اهي اهي يلهووي البت واتصل علي طول يبلغ اللوا
عند يونس دخل يلبس بسرعة طقم كله اسود في اسود وخد تليفونه ونزل ركب العربيه وفتح اللوكيشن اللي ناصر بعتو فضل ماشي علي اللوكيشن لحد
ماوصل للمكان نزل من العربيه لاقي في رجاله كتير وقفين بصلهم بسخريه ودخل المكان إللي فيه ناصر بكل هيبه لاقي ناصر قاعد علي الكرسي إللي قدام ياسمين وحاطط رجل علي رجل وماسك المسدس وسندو علي دماغو
يونس دخل وقف قدامه بثقه وبرود
ناصر قام : اهلا اهلا بالشبح منور يا راجل
يونس ببرود: اديني جيت خير بقي
ناصر غضب من طريقته بس هدا نفسه : مش قديم شويه الجو إللي إنت عملتو ده إنك تجيب وآحده وتخليها توقعني بس هي عبيطه آوي وعلي نيتها متعرفش