زهره بغضب
سيف ..ده مش جنان أنا….
سيف وهو يرفع وجهها اليه ويقول بجديه حانيه
لاء ده جنان و جنان رسمي لما اسمع الكلام ده من زهره هانم بنت كامل بيه الي ابويا كان شغال عنده سواق و الي انا كنت بنام و أقوم احلم بس بنظره منها و انا عارف انها بالنسبالي حلم مستحيل صعب و استحاله يتحقق او اوصل له..
ليتابع وهو يمسح دموعها بشفتيه بحنان زهره هانم الي حبتني و أنا لسه طالب مملكش حتى تمن القلم الي بكتب بيه و الي قبلت تتجوزني وانا حتة محاسب على قدي مرتبي أقل من انه يشتري ليها فستان او حتى شنطه من الي كانت متعوده تلبسهم…زهره الي رغم بعدي عنها عشقها وحبها كان بيذيد في قلبي وانا بفحر في الصخر علشان اثبت اني أستهالها و
أثبت إني جدير بيها وأليق بمستواها .. و إلي لحد دلوقتي بصحى من عز نومي علشان أتأكد انها جنبي و في حضني و إني مش بحلم و هفوق ملاقيهاش جنبي و ان حقيقي زهره هانم كامل قبلت بابن السواق الي بيعشق التراب الي بتمشي عليه و إلي حياته كلها فدى كلمة بحبك الي بتقولها له من شفايفها الحلوين دول ..
ليقترب من شفتيها يلتهمهم بلهفه وهو يقول بعشق
عرفتي انا بضحك ليه يا حبيبتي ..
تاهت زهره معه في متاهه من المشاعر الشغوفه وشدة حبه وعشقه لها تطفئ مشاعر الغيره التي لعبت بها وبمشاعرها وقلبها ليمر بعض الوقت بهم و سيف يروي عطشه منها بنهم
ليتنهد اخيرا وهو يضمها اليه ويقول
بعشق
لولا فرح اختك مكنتيش خرجتي من هنا النهارده
صرخت زهره وهي تتزكر موعد مركز التجميل
فرح سالي .. انا نسيت ..سيف قوم بسرعه
رفعها سيف بين زراعيه بمرح وهو يتجه بها للحمام الملحق بالغرفه
زهره بتوتر
سيف انت رايح بيا فين بقولك هنتأخر على ميعاد مركز التجميل
سيف بمرح
اهدي يا زهره هانم لسه قدامنا ساعه كامله على ميعاد مركز التجميل
ليتابع بمرح
هناخد دوش وبعدين نلبس ونروح علطول ومش هنتأخر متقلقيش
زهره باستسلام
حاضر يا سيف بيه لما نشوف اخرتها إيه وياك..
سيف بجديه
انا و انتي ملناش اخر انا وانتي لنا أول وبس
لينزلها بحنان بحوض الاستحمام وهو يضمها اليه ويتابع بجديه
أخر مره أسمع منك كلمة طلاق مهما حصل ما بينا كلمة طلاق دي محزوفه من قاموسنا ..انا وانتي الي بيجمعنا مش ورقه عند مأذون أو الي مابينا ممكن ينتهي بكلمة طلاق مني ..الي مابينا اكبر من كده بكتير انتي جزء مني يا زهره مستحيل ينفصل عني الا بموتي وعشان كده عاوذ وعد منك اني مسمعش الكلمه دي منك تاني
احتضنته زهره بلهفه وخوف وهي تقول ودموعها تتساقط
بعد الشر عنك..إوعى تقول كده تاني دا انت كل حياتي وحياتي كلها فداك وانت عارف كده كويس
لتتابع وهي تحتضنه بلهفه
واوعدك مش هقول الكلمه دي تاني ولو قولتها ابقى اعمل فيا الي انت عاوذه
سيف وهو يمسح دموعها بمرح وخبث ويقبل شفتيها بحنان
اعمل كل الي انا عاوذه.. انتي أد الكلام الي بتقوليه ده
زهره بدلال
سيف..
سيف وهو يرفعها لتصبح في مستوى وجهه ويلتهم شفتيها بعشق
عيون سيف وعمر سيف
ليغيب معها مره اخرى في متاهات عشقهم
وقفت زهره تراقب بفرح شقيقتها التي تتألق في فستان الزفاف الابيض وهي ترقص ببطئ بين يدي عريسها الذي يظهر عليه
ملامح الفرح والعشق الشديد لها ..
لتشعر بيدين تحيط بخصرها من الخلف وسيف يقول بحنان
حبيبي واقف لوحده ليه
زهره وعيونها ممتلئه بدموع الفرح
شوف سالي حلوه اذاي ياسيف ذي القمر مش كده فستانها وفرحها كل حاجه طلعت حلوه ذي ما كنت متخيله واكتر
أدارها سيف اليه وهو يمسح عيونها بأطراف أصابعه بحنان
انا مش شايف غير قمر واحد منور كل حياتي إمسحي دموعك و تعالي نبارك للعروسه