ليذيد من ضمها وهو يقول بحنان
احكي لبابا سيف ياعمر سيف ودنيته
زهره وهي تهمس بخجل
مش عارفه اقولك اذاي ومش عارفه هتفهمني والا لاء بس..
سيف بحنان
احكي ياقلبي انا سامعك وهفهمك
زهره وهي تدفن وجهها مره اخرى في كتفه وتقول بهمس شديد وسيف يقترب بأذنه منها بشده حتى يستطيع تمييز ماتقوله
في اخر حفله روحناها مع بعض.. انت عارف إن انا يعني بتضايق من الي اسمها كاميليا دي
قبل سيف وجنتها بحنان مشجعا لها دون ان يقاطعها
لتتابع بهمس ودموعها تتساقط دون ارادتها
الست دي بجحه وعينيها منك وياريت متنكرش ..انا شفت طريقة كلامها معاك ودلعها البايخ عليك إلي بطريقه مكشوفه اوي
سيف وهو يرفع وجهها ويقول بحنان انا مش هنكر كلامك.. بس انا برضه موقف تعامل معاها نهائي و بوقفها
عند حدها.. وتقريبا دي اول مره اشوفها من شهور و اتجاهلتها تماما علشان عارف أد إيه انتي بتضايقي منها يبقى ايه الي مزعلك اوي كده
زهره بغيره ودموعها تتساقط بشده
اصلها حلوه اوي و بنت عيله وسيدة اعمال كبيره وغير كده معاها دكتوراه في الاقتصاد ذيك ..يعني ..
لتصمت بتردد
وسيف يحثها بحنان على المتابعه وقد بدء في فهم ما يحدث معها من تغيير
يعني ايه يا حبيبتي كملي
زهره بغضب وغيره ودموعها تسيل بشده
يعني هي لايقه عليك ومناسبه ليك اكتر مني..
مستواها و تعليمها وشغلها كل حاجه فيها بتقول انك تستاهل واحده ذيها تكون مراتك مش واحده ذيي ست بيت وبس
نظر لها سيف بدهشه شديده انقلبت فجأه الى ضحك شديد وهو يضمها اليه
وزهره تحاول الابتعاد عنه
وهي تقول بغضب
انت بتضحك على ايه انا غلطانه اني بتكلم معاك
ضمها سيف اليه وهو يقبل اعلى رأسها بحنان
بضحك على هبلك وجنانك ..معيشاني اسبوع في الجحيم و خلتيني ألف حوالين نفسي
وانا براجع كل كلمه قولتها ليكي وكل تصرف عملته معاكي عشان خايف يكون هوه ده الي زعلك مني وفي الاخر يكون الجنان الي بتقوليه ده هو الي مزعلك