جووووون ..واحد صفر.. غلبتك
زهره وهي تضحك وتذهب للبحث عن الكره
ماشي يا سي مالك دلوقتي هاتشوف هجيب فيك جولين مش جول واحد استنى عليا
لتقوم بالبحث عن الكره وهي تنظر في ارض الحديقه جيدا الا انها لم تجدها لتتفاجأ بيد تمتد اليها بالكره رفعت زهره نظرها
لتجد رجل في منتصف الثلاثينات من عمره جذاب ومتأنق بشده يبتسم بجاذبيه و هو ينظر اليها باعجاب شديد
بتدوري على دي
زهره وهي ترجع شعرها الى وراء إذنها بارتباك و تبتسم بشكر
اه انت لاقيتها ..انا متشكره اوي يا..
الرجل مقاطعا
خالد ابو النور مصمم أذياء..انا الي بصمم فستان الهام هانم الي هتحضر به الحفله
تجمعت الدموع في عين زهره الا انها اجادت تخبئتها وهي تقول بلطف
تشرفنا
خالد وهو يتأملها باعجاب صريح
الشرف ليا ..
ليتابع بتساؤل
وحضرتك تبقي ..
زهره بمراره وهي تريد انهاء الحديث
قريبة سيف بيه..
لتحاول المغادره وهي تقول بلطف
معلش بعد اذنك اصل ده ميعاد الغدى بتاع مالك ابني
الا انها تفاجأت بخالد يجذبها من زراعها وهو يقول بسرعه
استني انا كنت عاوز اقولك اني معجب بجسمك.. اقصد بتكوين جسمك
زهره بزهول
بتقول ايه..انت اتجننت
خالد بارتباك
لا متفهمنيش غلط انا اقصد اني معجب بتكوين جسمك من الناحيه العمليه بس ..
ليتابع وهو يحاول ان يقنعها
انا هفهم حضرتك..انا عامل كولكشن يجنن لفساتين السهره الخاصه بالحوامل وكنت بدور على حد ممكن يشارك في عرضهم وطبعا مفيش عارضات حوامل ممكن استعين بيهم و معظم الستات وزنها بيزيد جدا في فترات الحمل لكن انا شايفك محافظه على رشاقتك رغم الحمل وده الي انا بدور عليه
زهره بدهشه
عاوزني اعرض ازياء وانا بالشكل ده
سامر بعمليه
حضرتك مش هتعرضي على استيدج انتي بس هتلبسي التصميم وتحضري بيه الحفلات الي بتتعمل بعد عروض الازياء كنوع من الدعايه للكولكشن
نظرت زهره اليه بتفكير ثم ابتسمت بمكر
خليني افكر..بس طبعا احب اعرف كل حاجه بالتفصيل قبل ما اديك موافقتي النهائيه
في نفس التوقيت
وصل سيف الى القصر ليخرج من سيارته وهو يتحدث في الهاتف تتبعه الهام
ليضيق عينيه باستفهام تحول الى غضب جارف وهو يشاهد زهره تقف باريحيه تتحدث مع شخص غريب وهي تضحك