دخلت زهره برفقة الفت لغرفه صغيره ضيقه بها سرير متوسط الحجم وخزانة ملابس صغيره ومرأه صغيره معلقه على الحائط وسجاده صغيره باهتة اللون
الفت وهي تفتح باب صغير
= دي اوضتك وده الحمام بتاعك هتلاقي فيه قميص نوم قطن تقدري تنامي فيه لحد ما هدومك توصل و هتلاقي
في الدولاب يونيفورم خاص بالخدم تلبسيه قبل ما تبتدي الشغل بكره..
ودول ساندوتشين علشان تتعشي قبل ماتنامي وطبعا بعد كده العشا هيبقى في المطبخ.. ممنوع تاكلي هنا بعد كده اه …وهتلاقي حبيتين مسكن عندك جنب السندوتشات سيف بيه امرلك بيهم
يلا تصبحي على خير وبكره سته بالدقيقه تكوني في المطبخ
لتتركها وتغلق الباب بهدوء خلفها
وتجلس زهره على طرف السرير بحزن تتأمل الغرفه ذات الالوان الباهته لتبتسم لنفسها بعتاب
= مش مهم شكل الاوضه ايه المهم ان انا وسيف تحت سقف بيت واحد
وقفت زهره وهي تتحسس جسدها بتعب وتفتح النافذه الصغيره التي تطل على الحديقه الخلفيه وهي تتأمل منظر الزهور المنتشره امامها بسعاده