= أيوه عمتك يا خلفة العار
زهره بخوف
= خلفة العار..انتي بتتكلمي معايا كده ليه ومكتفاني ليه كده
ليجيب احد الرجال بغلظه
= إكتمي خالص منسمعش صوتك الا لما الحاجه تخلص كلامها الاول
صمتت زهره بخوف وهي تراقب عمتها
تستند على عصاه ضخمه من الخشب الاسود المشغول وهي تقول بصرامه
= احنا لينا عنديكي حقين
الحق الاول ورثنا من أخويا الي إمك كلته..
ومرضيتش تعطينا حقنا الي ربنا قال عليه وكتبت كل شئ باسمك عشان تهرب الورث وميتقسمش ذي ربنا ماقال
= والحق التاني ..حق شرفنا الي مرمغتيه في الوحل وانتي بتحملي وتخلفي من غير جواز
شهقت زهره بخوف
= لا يا عمتي متقوليش كده انا متجوزه على سنة الله ورسوله
ضحكت عمتها وهي تقول بشر
= الي خلف مامتش بنت اعتدال طالعه لأمها فاجره وقادره
لتتابع بغضب
= هات المحمول وريها الصوره
ليقترب منها احد الرجال وهو يريها صورة ابنها مالك
عمتها بقسوه
= الواد ده ابنك..
زهره بخوف
= أيوه بتسألي ليه
عمتها وهي تضرب عصاها في الارض بقوه
لتتفاجأ زهره بالرجل الواقف بجانبها يلطمها على وجهها بقسوه
وهو يقول
= لما الحاجه تتكلم تسكتي خالص ولما تسئل تجاوبي على أد السؤال وبس
انتي فاهمه يا خلفة العار
تساقطت الدموع من عين زهره وهي تتابع عمتها تتابع بصرامه
= الواد ده عنده أد إيه
زهره بخوف وهي تشعر بانقباض في قلبها
= عنده ..عنده أربع سنين
لتدق عمتها بالعصاه على الارض بقوه ويندفع الرجل الواقف بجانبها وهو أشدهم غلظه وهو يشعر انه يريد قتلها في الحال الا انه يخاف غضب والدته ليعيد ضربها على وجهها بشده مره تلو الاخرى والدماء تسيل من فمها وأنفها وهي تشعر انها على وشك فقدان وعيها
حتى دقت عمتها بعصاها مره اخرى
ليبتعد عنها وهو يتنفس بغضب
وتتابع عمتها بغضب
= احنا كنا عنديكم في الفيلا وزرناكم بدل المره ميه كنتي فيهم مع امك
مشفناش ليكي جوز ولا اتعزمنا على فرح ولا حضرنا كتب كتاب..
= من اربع سنين يافاجره كنتي في حضن امك الحيه وعايشه في الفيلا وبتدرسي في المخروبه الي اسمها الجامعه وكنا كلنا عارفين انك بنت بنوت يبقى اتجوزتي امتى وحبلتي امتى وولدتيه امتى.. ردي ..الواد ده جه منين يا خلفة العار
لتلكزها بعصاها في بطنها بقسوه
جعلت زهره تتألم
= وبطنك المنفوخه دي برضه ذي أخوه من الحرام
زهره بألم
= حرام عليكي يا عمتي انا متجوزه ولو مش مصدق?
يتبع….
دخل سيف الى بهو الفيلا وهو يتوقع وجود زهره ومالك في استقباله
الا انه وجد البهو خالي ليقررالصعود للاعلى وهو يتوقع وجودها في غرفتها الا انه وجدها خاليه هي الاخرى
سيف بابتسامه حانيه
= اكيد لسه بتلبس مالك
توجه سيف الى غرفة صغيره ليجده يجلس برفقة المربيه الخاصه به والتي تحاول اطعامه الا انه يرفض ويبكي بشده ويطلب ان تقوم والدته باطعامه
مالك ببكاء
= مليش دعوه ..مش عاوز أكل ..انا عاوز ماما