سالي بخجل وهي تحتضن زهره
= انا اسفه يا زهره سامحيني فرحتي بلي حصل نسيتني الموقف الصعب الي انتي فيه بس انتي لو زعلانه يلا بينا نمشي من هنا
لتتابع بدهاء
مع ان مش عارفه هنروح على فين بس تتدبر المهم انتي متزعليش يا حبيبتي
احتضنت زهره شقيقتها بقوه وهي تحاول استمداد القوه من سعادتها
لتلتمع عيونها بالدموع وهي تقول بمرح و تبتعد عنها قليلا
=بطلي جنان مين قالك اني زعلانه انا هلاقي احسن من كده ايه هشتغل شغله واحده بدل التلات شغلانات الي كنت متمرمطه فيهم وهترحم من امين وضربه وقذارته وهعرف انام من غير ماكون خايفه منه ده غير اني هبقى
متطمنه عليكي وعلى دراستك وحياتك على الاقل واحده فينا تقدر تكمل دراستها وتعيش حياتها ذي اي بنت عاديه
لتكمل وهي تدعي المرح
يلا خدي دش وغيري هدومك واتعشي ونامي عشان جامعتك بكره
سالي وهي تنظر لعليا بتساؤل
= طيب وانتي
ضحكت زهره وهي تحاول ان تظهر المرح
= انا كمان هروح انام بعد العلقه الي اخوكي ادهاني جسمي كله مكسر وهموت وانام وكمان عشان استعد لشغل بكره